ئایا هەرێم تەسلیمی بەغدا بوو، یان بەغدا تەسلیمی هەرێم بوو؟ ئایا نەوتی هەرێم ڕادەستکرا، یان دەڵاڵیەکە بە بەغدا کرا؟.
وابزانم، زۆر کەس بەبێ شارەزا بوون و ئاگادار بوون لە ناوەڕۆکی بابەت و بڕیارەکەی دادگای پاریس، تەنها لید و مانشێتی سەرەوەی بابەتەکە دەبینیت. “سەربەخۆ فرۆشتنی نەوتی هەرێم ڕاگیرا”. بەبێ ئەوەی ناوەڕۆکی بڕیارەکەی دادگای پاریس بزانی چییە، دوای مانشێتێک مەکەوە کە بە مەبەست درووستکراوە.
لە بڕیارەکەی دادگای پاریسدا هاتوە:
٭ هەرێم مافی گەڕان و دۆزینەوەی نەوتی خۆی هەیە بەپێی دەستوری ئێراقی.
٭ هەرێم مافی سەرپەرشتی کردنی نەوت و هەناردە کردنیشی هەیە.
٭ هەرێم تەنها مافی سەربەخۆ فرۆشتنی نەوتەکەی نییە بەبێ ڕەزامەندی بەغدا، واتا تەنها لە فرۆشتنەکەی بەبێ رازیبوونی بەغدا، لە دژی بووە، بڕیارەکە دەڵێ مافی فرۆشتنیشی هەیە، بەو مەرجەی بەغدا ڕازی بێت و لاری نەبێ، چونکە هەرێم دەوڵەت نییەو سەر بەئێراقە، جا بەغداو هەلێر چۆن ڕێک ئەکەون، ئەوە پەیوەندی بە دادگای پاریسەوە نییە، گرنگ بەغدا بڵێ ڕازیم و کێشەم نیە با هەرێم نەوتەکەی بفرۆشێت. واتا نەوت ڕادەستی بەغدا نەکراوە وەک ئەوەی لە زۆر کەناڵ و پەیج و هەواڵدا بەمەبەست و بۆ شکاندنی هەرێم دەیڵێن، دادگای پاریس تەنها داوای هاوبەشی و وەرگرتنی رەزامەندی بەغدای کردووە.
ئێستاش کە هەرێم و بەغدا ڕێککەوتون ،بەم شێوە:
1. هەرێم خۆی سەرپەرشتی نەوتی خۆی دەکات و خۆشی هەناردەی دەکات تا بەندەری جەیهان.
2. لە جەیهان فرۆشتنەکەی سۆمۆ دەیکات و داهاتەکەشی یەتەوە سەر حساب بانکی هەرێم کە تەنها سەرۆکی حکومەتی هەرێم مافی ڕاکێشان و سەرف کردنی پارەکەی هەیە، نەک بەغدا و بەرپرسانی بەغدا.
3. بەغدا حەقدەستی کۆمپانیاکان دەدات لەهەرێم.
4. نرخی نەوتی هەرێم بۆ هەر بەرمیلێک بڕی 10 دۆلار بەرز دەبێتەوە.
5. بەغدا بودجە وموچە و خەرجیەکانی هەرێم دابین دەکات.
بەکورتی و عەشایەری خۆمان، بەغدا و سۆمۆ، تەنها دەڵاڵیەکەیان بۆ ماوەتەوە. چۆن…؟
بەغداو سۆمۆ لە بەندەری جەیهان نەوتەکەی هەرێم کۆگا دەکەن و کڕیاری بۆ پەیا ئەکەن و نەوتەکە بۆ هەرێم ئەفرۆشن بە 10 دۆلار گرانتریش. پارەکەشی ئۆتۆماتیک ئەگەڕێتەوە سەر حسابی هەرێم و هەرێم خۆی مافی خەرجکردنی پارەکەی هەیە، نەک بەغدا. لە بەرامبەریشدا بەغدا، حەقدەستی کۆمپانیاکانی نەوتی هەرێم دەدات، بودجە و موچە و خەرجیەکان بۆ هەرێم دەنێرێت. دەی تو ویژدانت ئەمە تەسلیم بوونی هەرێمە، یان سەرکەوتن لەم دۆسیەیەدا؟
لەکۆتایدا دەڵێم: نابێ چاوەڕێ بکەیت تا دەرفەتت بۆ درووست دەبێ. دەبێ کار بکەیت بۆ ئەوەی دەرفەت درووست بکەیت. هیوادارم بە ئاسانی لێم تێبگەن.
