ئێـــک : داگیرکاریا جوگرافی.
دوو: داگیرکاریا ئەلکترونی ژ رویێ (مێشکی ) ڤە.
ھەر ژ سەدەمێن پارچەبونا ناوچێ ب گشتی کو ژ دەرھاڤێشتەیێن جەنگا جیھانی یا ئێکێ و ژناڤ چونا خەلافەتا عوسمانی، ناوچە ب گشتی ژ لایێ زلھێزێن جیھانێ ڤە ھاتە پارڤە کرن و پارچە کرن کوردستان ژی یا بێ بەھر نەبو ژ وی بەرنامە و رێککەفتنێن ناڤ دەولەتی ل سەر ھاتیە کرن، کوردستان ھاتە پارچە کرن و دابەش کرن دیسان ھاتە داگیرکرن ھەم ژ رویێ سیاسی و لەشکەری ھەم کلتوری وجڤاکی دیسان بو ئەگەر کو گەشەکرن و پێشڤەبرن و سنوردارکرنا مللەتێ کورد د پێشڤەچون د گلوبالیزمێ دا، یان دێ شێین بێژین ئەو بەشێ بچویک یێ مە ب گلوبالیزمێ ڤە گرێددەت ژی نە یا تەندروست و ساخلەمە.
ژ ئەلکترونی ڤە راستەوخو مێشکی داگیر دکەت ئەگەر ئەم بەحس لێ بکەین ل پشتی ژناڤ چونا رژێما ئێراقێ کو ژ ٢٠٠٣ و تانوکە روژ ب روژێ تەکنولوجیا یێ دناڤ جڤاکێ مە دا گەشەکر دەست پێکێ ژ تیڤیێن دیجیتال بگرە تێلەفون و لابتوپ و موبایلێن زیرەک و ئینترنێت و تورێن کومەلایەتی و ھتد…ئەرێ مە ھزر د مەترسیێن ڤێ پێشکەفتنێ دا کریە یان.
تنێ مە د لایەکی ب تنێ دا ھزر تێدا کریە؟
بوچی مێشکێ تاکێ کورد ھاتە داگیرکرن؟
دڤی سەردەمی دا و ب تایبەت پشتی شەرێ سار پەیدا بوی ئێدی داگیرکرن یان شەر و پەڤچونێن وەلاتێن زلھێز نەما وەک مەیدانەکا راستەوخو یا جەنگی. شەرێ ئەلکترونی دەست پێکر و بەردەوام کەفتە د پێشڤەچونێ د ا.
دوژمنێن کوردان بەری سەد سالان وەکی مە ل دەستپێکێ ئاماژە پێ کری پارچەک ژ کوردستانێ داگیرکر ژ رویێ جوگرافی ڤە و تانوکە یا بەردەوامە
لێ دڤان سالێن دوماھیێ دا شیان جورەکێ کێ دی یێ داگیرکرنێ د مێشکێ تاکێ کورد دا ئاڤا بکەن کو دێ شێین بێژین داگیرکرنا یٔەلکتورنی، کو ب رێیا دراما میوزیک فیلمان ھەم کلتورێ خوە ب کەنە دمێشکێ تاکێ کورد دا کو ب راستی ژی ئەڤە مەترسیەکا راستەوخویە ل سەر جڤاک کلتور و پیروزی و ھەستا نەتەوی ڤە.
ھەم لاوازکرن وپێشڤەنەچونا ھونەر وکلتورێ مللەتێ کورد.
