ئەگەر دوێنێ واتە مێژوی دروست بونی ئێراق لە بیستەکانی سەدەی ڕابردوەوە هەتا ڕوخانی ڕژێمی دیکتاتۆری ئێراق کوشتاری جەستەیی و سڕینەوەی ناسنامەی کورد و پاکتاوی ڕەگەزی کردبێت ئەوا جیاوازیەکان هێندە نییە، دوێنێ کوشتن و ئەمڕۆ برسیکردن کەواتە ڕونە پاکتاوی ڕەگەزی لە نێوان دوێنێ و ئەمڕۆدا تەنها ئەوەندەیە نەوەی ئەمڕۆ لە کوردستانێکی ئازاد دا دەژی، بەڵام بە ئیرادەیەکی تا ڕادەیەکی تێکشکاوە وە، بەڵام پێویستە تاکی هاوڵاتی لەو ڕاستییە بگات کە لە سەد ساڵەی تەمەنی حوکمڕانی ئێراقدا عەرەب تەنها کاری لەسەر لاوازکردنی ئابوری کوردستان کردووە هەتا کورد نەتوانێ بنیاتی کۆمەڵگایەکی سەقامگیربنێت و خاوەن ئابوریەکی بەهێزبێت، ئەو مەترسیەی عەرەب لەوەوە سەرچاوەی گرتووە ئەگەر باشوری کوردستان دەرفەتی ئابورییەکی بەهێزی بۆ بڕەخسێ ئەوا بیر لەجیابونەوەدەکات نمونەش نەدانی کەرکوک و ئەو ناوچانەیە کە سەرچاوەی بەهێزی ئابوریە…
هەر لەو سۆنگەیەوە گرنگە بزانین دوژمن هەردەم کاری لەسەر ڕوخانی ئیرادەیی تاکی کورد کردووە، تەنها ئەجندای دوژمن نەبووە بەتەنها بەشێک لە کورد هەردەم دژبەری ئیرادەی نەتەوەکەی بووە، ئەوەتا دەبینین ئەوانەی لەژێر ناوی ئازادی ڕادەربڕین و دیموکراسی و مافی تاک ئەوەندەی ئاو دەکەنە ئاشی دوژمن نیوهێندە بۆ گەلەکەیان نادوێن و ناڵێن، فشارەکانی بەناو ڕێکخراوەکانی کۆمەڵگای مەدەنی کە لە ئەسڵدا جوڵەی خۆیان نییەو هەندێک لایەنی سیاسی بە هێزی پۆپۆڵیستی خۆیان ئاڕاستەیان دەکەن و دۆخەکەیان ئاڵۆزتر کردووە بەدەر لەوەی کە تێبگەن دوژمن لەهەوڵی خۆی نەوەستاوە ماوەی “١٠” ساڵە سیاسەتی برسی کردن یان پیادەکردوە بە ئەمڕۆ و سبەینێ مووچەدەنێرین و ناینێرین تۆویی دوبەرەکی یان لەناو چین و توێژەکانی نێو کۆمەڵگادا چاندووە، بەداخەوە ناوخۆی خۆمان وەک ئەودارەی لێهاتووە کە کلکی تەورەکە لە خۆیەتی…
