ئێراق توانیویەتی بەهۆی کەموکوڕی موچەوە لە هەرێم هەموو ئیستحقاقە دەستوری و قانونیەکان لە بیر هەرێم بباتەوە، چونکە دەیان کێشەی قانونی و ناقانونی بۆ هەرێم دروست کردووە، بە تایبەت مادەی 140ئێستا حکومەتی ئێراق ئەو هەنگاوە نادەستوریانەی کە چەندین ساڵە گاڵتە بە کورد دەکەن، بۆیە کورد دەبێ لە بەغدا شەڕی مادە دەستورییەکانی بکات.
ئەوەی کە حکومەتی ئێراقیش کوردی پێ لە قالب ئەدا ئەوەیە کوردستان ناتەباییان دوروستکردووە میلیشیاکانی ئێران درۆ و بوختان بۆ قەوارەی هەرێم دروست دەکەن ئێراقیش بەدوای خاڵی لاوازی هەرێم دەگەڕێت، خاڵی لاوازی کوردیش پەرتەوازەیی نێو ماڵی کوردە بۆیە ئێراق تەگەرە دەخاتە کێشەکانە وە بۆیە وەک دەبینین حکومەتی ئێراق موچەی فەرمانبەرانی کردۆتە کارتێکی فشارو ڕۆژ بەڕۆژ لەڕێی ئەو فشارەیەوە دەیەوێت هەرێمی کوردستان زیاتر لە قالب بدات، و پێگەی لە ئێراقی نوێ دا کەم بکاتەوە.
ئەمە ئەو ڕاستیەمان بۆ دەرەخات حکومەتی ئێراق ئێمەی ناوێ و ئێمەی کورد خۆمان پێی دا هەڵواسیوەو لێی نابینەوە، جا بۆ ئەوەی ئەم قەیرانە تێپەڕێنین پێویستە لە سەر حکومەتی هەرێم و حیزبە کوردیەکان هەر لەم چرکەیەوە لە حکومەت و ئەنجومەنی نوێنەران بکشێنەوەو بەغدایان بۆ جێ بهێڵن، چونکە ئەگەر ئەوە نەکەن ئێراق زیاترو زیاتر سواری ملمان دەبێت و نابوت تر دەبین.
کەواتە با هەنگاوی یەکەم کشانەوە بێت لەو وێرانەیەی ئێراق و هەنگاوی داهاتوو ڕێکخستنەوەی، هێزی پێشمەرگە و نێو ماڵی کوردە بۆ ئەوەی لەگەڵ هاوپەیمانان ئێمەش ببینە کارەکتەرێکی سەرەکی لە ئێراقی داهاتووی بەبێ شیعەی ئێرانی نزم ئێستا، ئەو ئێراقە عەزیمەی کە نەیاران سوێندی گەورەیان بەسەری ئێراق دەخۆن، کەوتۆتە پەلەقاژە ئەوهێزە مارێنزەی ئەمریکی لە خۆڕا نەهاتووە بۆ ڕۆژهەڵاتی ناوین، دەیەوێت کلکی ئێران ببڕێت ئێراقیش بەرەو دابەش بوونە دەڕوا ڕێکخستنەوەی داهاتی نەوت و خاڵە سنوریەکان بێت، و لە چاوەڕوانی باشتر هەنگاو بنێین تەنانەت تا ڕاگەیاندنی سەربەخۆیش بێ.
ئەو سیاسەتەی ئێراق دەیکات بەرامبەر هەرێمی کوردستان لەسەر بودجەی ووڵات و ئاڵۆزییان دروست کردووە، لەنیوان حکومەتی ناوەند وهەرێمی کوردستان، دەیانەوێت ئەودۆخە بەرەو ئاقارێکی نادیار ببەن، مەبەستی نەیارانی کورد، ئەوانەی کە خۆیان فرۆشتووە هەموو ئامانجیان تێکدانی قەوارەی هەرێمی کوردستانە، لە کاتێکدا هەرێمێکی دەستوورییە لە چوارچێوەی ئێراقێکی فیدراڵیدایە کەچی دوژمنەکانی کورد ئەیانەوێت بەچەند یاسایەکی بێ بنەما پێگەی هەرێمی کوردستان لاواز بکەن.
بێ گومان هەندێک عەرەبی شۆڤینی کە چاویان بەو هەموو خزمەت گوزاری و ڕێگەو بان و ئارامیەی هەرێم هەڵنایەت، چاویان بڕیوەتە نەوتی کوردستان، کە ئەوەش قووتی خەڵکە و هەرێمێکی نزیکەی زیاتر لە شەش ملیون کەس خزمەتگوزاری و مووچەی پێ دابین دەکا، گومانی تێدا نیە کە دەستی دەرەکی و ناوخۆ وا دەکات ئەو ئەزمونەی هەیە، وەک هەرێمی کوردستان کە بەخوێنی هەزاران شەهید دروست بووە، هیچ کات نابێت کورد لەوانە خۆش بێت کە بوونەتە هۆکار یان دەیانەوێت ئەو قەواریە نەمێنێت بێ گومان عەرەب ئەگەر بۆی بچێتە، سەر ناهێلێت کوردێک لەسەر ئەم زەمینە بژی ئێمەی کوردیش. کوردستانمان خۆش دەوێ و خۆمانی بۆ گیان فیدا دەکەین، ووتەیەک هەیە دەڵێ ئەگەر دایک وباوکت بمرن دەژیت ئینجا دەمری، بەڵام کە نیشتمانت نەبوو نامریت، چونکە تۆ هەرگیز لە دایک نابیت.
