خاتوو بەهیە مەعروف ئەحمەد بەرزنجی
– خاتوو بەهیە مەعروف لە ساڵی 1924 لەخێزانێکی دڵسۆز و نیشتمانپەروەر لەشاری سلێمانی لەدایکبووە.
– خانەی مامۆستایانی لە شاری بەغدا تەواو کردووە.
– لەساڵی 1972 قوتابخانەی نەهێشتنی نەخوێندەواری خاتوو بەهیەی کردۆتەوە.
– یەکێک بووە لەدامەزرێنەرانی یەکێتی ئافرەتانی کوردستان و لە ساڵی 1963 كرا بە یەکەم سكرتێری یەکێتی ئافرەتانی کوردستان کە ئەوکات بە شێوەی نهێنی بەسترا بوو هەر لەو کۆنگرەیەدا ناوی لە (یەكێتی ئافرەتانی دیموكراتی كوردستان)ەوه گۆڕا بۆ (یەكێتی ئافرەتانی كوردستان).
– بەهیە مەعروف هەر لەسەرەتای لاوێتییەوە هەستی بە زوڵم و چەوساندنەوەی چینایەتی و نەتەوایەتی گەلەکەی کردووە و ئەوەش وایکردووە بەشێوەیەکی کارا و چالاکانە، لەناو ڕێکخستنەکانی پارتی دیموکراتی کوردستان کار بکات.
– لەساڵی 1958سەرپەرشتی شانە نهێنییەکانی پارتی دیموکراتی کوردستانی کردووە.
– لەشۆرشی ئەیلولدا ڕۆڵی بەرچاوی هەبووە لەکۆکردنەوەی هاوکاری و کۆمەک بۆ هێزی پێشمەرگەی کوردستان.
– لەدوای ساڵی 1964 لەناو مەکتەبی سیاسی دریژەی بەکاروچالاکیەکانی داوە.
– بەهیە مەعروف لەراپەرینە مەزنەکەی ساڵی 1991 ڕۆڵی دیاری هەبووە.
– ئەم خانمە تێکۆشەرە لە ساڵی 2007 کۆچی دوای کردووە.
