ڕووداوە مێژووییەکان، بۆ وانە وەرگرتنن، لەپێناو بەدیهێنانی ئەزموونن بۆ داهاتوویەکی چاکتر
گەلی کورد، بە درێژایی بزووتنەوە ڕزگاریخوازەکەی، تووشی هەورازی زۆر بووەتەوە، وەلێ هەموو ئەوانە لە دەرەنجامی شۆڕشە یەک لە دوای یەکەکانی میللەتی کورد بووە، کە لە کاردانەوەی سیاسەتی قڕکردن و سڕینەوە لەلایەن نەیارانی کورد هاتووەتە بەرهەم.
رێککەوتننامەی جەزائیر کە به مهبهستی گهمارۆدانى شۆڕشی ئهیلوول و كۆتایی هێنان به خهباتی رزگاریخوازی كورد له كوردستانی ئێراقدا، رۆژی ٦ی ئاداری ١٩٧٥ به ناوبژیوانی حكومهتی جهزائیر له نێوان حكومەتی ئێراق و شای ئێران ئیمزاکرا، كهدواتر به رێككهوتننامهی جهزائیر ناسرا، یەکێکە لەو ڕووداو و بیروەرییانەی تاڵانەی کورد کە دواتر بووە هۆی هەڵگیرسانەوەی شۆڕش و قۆناغێکی دیکە لە خەباتی سیاسی و چەکداری کەبە (شۆڕشی گوڵان) ناسرا.
ڕۆژی دووشەممە ٢٦ی ٥ی ٢٠٢٥، لە هەولێری پایتەخت بە چاودێری سەرۆک بارزانی، بەشی ڕۆشنبیری و ڕاگەیاندنی پ.د.ک، لە ٤٩ یەمین ساڵڕۆژی ھەڵگیرسانی شۆڕشی گوڵان، (دیداری نیو سەدە، ڕێککەوتننامەی جەزائیر) سازکرد، کە تیایدا شڕۆڤەو خوێندنەوەیەکی نوێ بۆ ئەم ڕێککەوتننامەیە کرا، ئەم دیدارە، یەکەمجارە بەم شێوەیە و لەسەر ئاستی باڵای سیاسی و دیبلۆماسی و سەربازی و ئامادەبوونی نووسەرو ڕۆشنبیران لە ناوخۆ و دەرەوەی کوردستان ئەنجام بدرێت.
سەبارەت بەوەی بۆچی لە ساڵیادی هەڵگیرسانی شۆڕشی گوڵان ئەم باسە دەکرێت، د.سالار عوسمان، بەرپرسی بەشی ڕۆشنبیری و ڕاگەیاندن بە دروستی ئەوەی ڕوونکردۆتەوە کە لە یادی هەڵگیرسانی شۆڕشی گوڵان، دەمانەوێ بڵێین ئەگەر دوژمنان و ناحەزان و نەیارانی گەلی کوردستان و پارتی دیموکراتی کوردستان، گەلەکۆمەکی لە دژمان بکەن، وە لە دژمان سەنگەرەکان پتەو بکەن، وە لە دژمان سەنگەرەکان پتەوبکەن، وە پیلان و ڕێککەوتنی شوم ساز بکەن، ئیرادەیەکی کوردی هەیە کە شۆڕش هەڵدەگیرسێنێتەوە، ئەم ئیرادەیە، ئیرادەی بارزانییە.
ئەم دیدارە لە سێ ڕەهەندی گرنگەوە لە ڕێککەوتنامەی ڕووانی و شرۆڤەی بۆ کرا:
١. ڕەهەندی مێژوویی.
٢. ڕەهەندی سیاسی.
٣. ئەزموونی پێویست بۆ ئێستا و داهاتوو.
هەموو ئەمانە بە وردی بە شیکارییان بۆ کرا، ئەوەی جێگەی بایەخە، لە دەرەنجامی خوێندنەوەی سیاسەتی ناوخۆیی و ناوچەیی و نێودەوڵەتییەوە، تێدەگەین، کە ڕێککەوتننامەی جەزایر بە پێچەوانەی خواست و ویستی نەیارانی کورد گەڕا، چونکە ئاکامەکانی جۆشدانەوە و هەڵگیرساندنەوەی شۆڕشی گوڵان بوو کە دواتر ڕاپەڕینی ١٩٩١ی خەڵکی کوردستان و هەرێمی کوردستانی لێ هاتە بەرهەم.
بە خوێندنەوەی بۆ واقعییەتی ئێستای ناوچەکە و جیهانیش، زیاتر هوشیار دەبینەوە لەوەی، کە کورد هەرکاتێک گەلەکۆمەکەی لێکرابێت، بەهێێزتر بووەتەوە، ئازایانە دەستی لە ماف و داخوازیی و داواکارییە نەتەوەییەکانی خۆی هەڵنەگرتووە.
بۆیە هەموومان، ئەوەمان بۆ ڕوون دەبێتەوە، دەرەنجامەکانی ئەو ڕێککەوتنە نەک کوردی لاواز نەکرد، بەڵکو هەستێکی وەها کاریگەریی پێ بەخشی هەر زوو پیلانەکانیان بەرانبەر ئیرادەی بارزانیی و گەلی کوردستان تێکبشێت.
بێگومان دەستکەوتی شۆڕشی گوڵان زۆرن، بەڵام ڕاپەڕین و پەرلەمان و حکوومەتی ھەرێمی کوردستان بەشێکن لە دەستکەوتەکانی شۆڕش.
لە کۆتایی و کۆبەنددا
هەڵدانەوەی لاپەڕەکانی مێژوو و دەسخستنە سەر برینەکان بۆ وانە لێ وەرگرتنە، بۆ ئاگایی و هوشیاریی و هۆشمەندییە لە هەمبەر گۆڕانکارییە ناوچەیی و نێودەوڵەتییەکان، بۆ فراوانکردنی ئەزموون و تێکشکاندنی هەرچی پیلان و گەلەکۆمەکە هەیە کە لە دژی گەلێکی خاوەن حەق و ئاشتیخواز ئەنجام دەدرێت و هەمیشەش لە جووڵانەوەیەکی کاریگەری سەربازی وەکو شۆڕشی گوڵان پیلانەکانیان پووچەڵ دەبێتەوە، کەواتە دەتوانین بڵێین: نەیارانی کورد بەو ڕێککەوتنە وایان دەزانی، شۆڕشی کورد کۆتایی دێت، بەڵام بارزانیی و ڕێبازەکەی ئامانجی گەورەتریان پێ هێنایە دی کە ئەویش هەرێمی کوردستان و کاریگەرییەتی وەکو ئەکتەرێکی نادەوڵەتی کارا لەسەر ئاستی جیهانیی.
