سەردانی هێژا مسروربارزانی سەرۆکی حکومەتی هەرێمی کوردستان بە یاوەری شاندێک، بۆ ئەمریکا، لە کاتێکی پێویست و هەستیاردایە، لە کاتێکدایە ئەمریکا زلهێزی خاوەن هەژمونی جیهانی، شێوازو هێڵەکانی سیاسەتەکەی ڕوشنکردوتەوە، کە خۆی لە دوو ئاراستەی سەرەکیدا دەبینێت؛-
یەکەم :- سەپاندنی ئاشتی لە ڕێگای نیشاندانی هێز ەوە.
دوەەم :- پێکانی ئامانجەسیاسییەکان لە دەروازەی بەرژەوەندی ئابورییەوە.
لە چوارچێوەی پیادەکردنی ئەم دیدگایانەدا، بەبانگهێشتی فەرمی وەزیری دەرەوەی ئەمریکا( مارکۆ روبیو) مسرور بارزانی و شاندی حکومەتی هەرێمی کوردستان سەردانی ئەمریکایان کردووە ، کارنامەی سەردانەکە ڕەهەندی ( ئابوری ، سیاسی و ئەمنی) لە خۆی دەگرێت.
لە بواری ئابوری دا:- وەک ئاشکرایە دوو گرێبەستی گەورە بە بەهای (١١٠) سەدو دە ملیار دولاری لە نێوان وەزارەتی سامانە سروشتییەکانی هەرێمی کوردستان و هەردوو کۆمپانیای ئەمریکی( Hknو western zagros) دا، لە پێناوی بەرهەمهێنانی گازو نەوت لە هەردوو کێڵگەی ( توپخانەو گردە میر) مورکران، لەو ڕێگایەشەوە پێگەی ئابوری هەرێمی کوردستان بەرەو هەڵکشانی بەهێزتر و سەقامگیرتر دەچێت، هەروەها سەرچاوەیەکی متمانەپێکراوی وزە دابین دەکات لە بواری بەرهەمهێنانی ئاستێکی باڵای کارەبا و کاریگەری چونایەتی دەبێت لە پرۆسەی جێبەجێکردنی پرۆژەی (رووناکی) دا و، بەدیهێنانی خواستی بونیاتنانی سیستمی دابەشکردنی غازی ماڵاندا لە لایەکی دیکەوە، شان بەشانی ڕەخساندنی هەزاران هەلی کار و کەمکردنەوەی ڕێژەی بێکاری.
لە ڕوی سیاسییەوە:- هەوڵەکانی شاندی حکومەتی هەرێمی کوردستان، هاوتەریبی ماف و دەسەڵاتە دەستورییەکانی هەرێمن، بۆیە حکومەتی بەغدا ناتوانێ ڕێگری بکات، هەر ئەمرۆش وەزیری دەرەوەی ئەمریکا لە دانیشتنێکی تایبەتدا لە کونگرێسی وڵاتەکەی، بە رونی و ئاشکرا پەسنی (بونی ) هەرێمی کوردستانی کرد وەک ( قەوارەیەکی ئوتونوم) و، بە مەرجی سەرەکی ئەمریکای ناساند لە مامەڵەکردن لە گەڵ حکومەتی ئێراقدا؟
هەروەها ئاماژە بەوەیکرد، مافی رەوای هەرێمی کوردستانە پەرە بە پەیوەندییە ئابورییەکانی خۆی بدات لە پێناوی خۆشگوزەرانی گەلەکەیدا، ڕەهەندی ئەمنیش بریتییە، لە بەردەوامی بەشداری ئەمریکیەکان لە پرۆسەی چاکسازییەکانی وەزارەتی پێشمەرگەدا و یەکخستنەوەو راهێنانی هێزەکانی پێشمەرگە، هەروەها درێژەدان بە پڕچەککردنی هێزەکانی پێشمەرگە نەخاسمە بە چەکی قورسی پێشکەوتوو بە چەکی دژە ئاسمانییەوە.
ئەم هەڵوێستانە بەرهەمی کردەوەی هەنوکەیی نین، بەڵکو دەرەنجامی کارێکی وردی درێژخایەن و لێزانین و دیبلوماسیەتی درەوشاوەی هێژا مسرور بارزانی و حکومەتی هەرێمی کوردستانە .
