نێچیرڤان بارزانی سەرۆکی هەرێمی کوردستان ڕۆژی هەشتی دیسەمبەر لەنێو دەیان سەرکردەی گەورەی جیهان و سەدان میوانی تایبەت وەک تاکە سەرۆکی بێدەوڵەت بەشداربوو لەکردنەوە کاتێرداڵی پاریس، ئەم بەشداریکردنە لە چرکە ساتێکدابوو کە وڵاتانی ناوچەکە بە ئێستاشەوە لە جۆرێک لە دڵەڕاوکێ و ناجێگیریدابوون بەهۆی کەوتنی ڕژێمەکەی بەشار ئەسەدو گۆڕانکاری و پێشهاتەکانی سوریا سەۆک نێچیرڤان بارزانی وەک هەمیشە ئەم دەرفەتە گەورەیەشی قۆستەوە بۆ خزمەتکردنی دۆزی ڕەوای گەلەکەیی و خەمی پاراستنی هەرێمی کوردستان گەڕاندنەوەی ئارامی بۆ کوردستانیان،نەک هەر ئەوە بەڵکو خەمی کوردانی ڕۆژئاواشی خستە گەردنی خۆی و لە پاریسەوە بە دیدارە گرنگ و کاریگەرەکانی جۆرێک ئومێدو هیوای بۆ کوردان گەڕاندەوە ئەگەر لە سایکس بیکۆی دوێنێ نەیانهێشتبێت کورد لە پەنجەرەیەکی بچوکیشەوە بەشداربێت بۆ دیاریکردنی ئایندەی خۆی،ئەوا ئەمڕۆ لەهەمان ئەو کۆشکەوە کە ناپلیۆن پۆناپارت تاج لەسەر دەنێت و جەنەراڵ دیگۆل ئەسپەردە دەکرێت سەرۆکێکی کاریگەرو دیبلۆماتێکی گەورەی کوردان بەنوێنەرایەتی نەتەوەیەکی بێ دەوڵەت بەشداری گەورەترین بۆنەی جیهانی دەبێت و وێڕایی دڵنیایی پاراستنی ئەوەی هەمانە بەهەموومان دەڵێت دڵنیابن نەخشەی ئایندە ی ناوچەکە بەبێ هەبوونی پشکی کورد تێناپەڕێت.
ڕووداوەکانی سوریا و کەوتنی ئەسەد هێندە خێرابوون هەردوای مەراسیمەکەی پاریس ئەسەد و ڕژێمەکەی کەوتن و جیهان لە شاشەکانەوە شاهێدی ڕوداوێکی سیاسی خێراو ئاڵوگۆڕێکی ئاڵۆزبوون، لە یازدە ڕۆژی کەوتنی ئەسەد دا وڵاتانی ئێران و ئێراق و بەشێکی وڵاتانی ناوچەکەلە دڵەڕاوکێی سوریای دوای ئەسەددا بوون بەڵام سەرۆکی هەرێمی کوردستان لە سەکۆ نێودەوڵەتیە گرنگەکەی پاریسەوە بە دەیداری سەرۆک ماکرۆن و سەرۆکی هەڵبژێردراوی ئەمریکا دۆناڵدترامپ و سەرکردەکانی دیکەی جیهانەوە بە گەلەکەی وت بێ ئومێد مەبن و وەک گەڕیدەیەک لە دەرگای هەموو شوێنێک دەدەم لە پێناو دابینکردنی ئایدەیەکی ئارام و گەشاوەتر بۆ ئێوە ڕووداو پێشهاتەکانی ناوچەکەو ئەو ئاڵنگاریانەی لەپێشمانن لە هەموو هێزە سیاسیە کوردستانیەکان دەخوازێت یەکڕیزو تەبابن بۆ ئەوەی هەموان پێکەوە بەرامبەر هەر ئەگەرێک ئامادەبین، ئەرکی هەرێمی کوردستانیشە هەموو جەستەی دیبلۆماتی خۆی بخاتەگەڕ بۆ ئەوەی سوود لەم چرکەساتە مێژووییە وەربگرێت و هەوڵەکانی سەرۆکی هەرێمی کوردستان و کۆی هەوڵە دیبلۆماسیەکانی دیکە تەرجومەبکات بۆسەر ئەرزی واقیع بۆئەوەی سەرمایەگوزاری بەو دیدار و پەیوەندییە فیبلۆماسیانەوە بکەین کە لەماوەی ٣٠ساڵی ڕابردوودا بوونیادمان ناوە ئەگەر نا نە ڕووداوەکان بۆ ئێمە دەوەستن نە مێژووش ڕەحمان پێدەکات.
