یەكێك لەكارە گرنگەکانی هەموو گەلانی دنیاو جیهان دابین کردنی ئاسایشی نەتەوەییە، وەكو بەرپرسیارو خزمەت کردن و پاراستنی ئاسایش نەتەوەیی واتە سەقامگیری سیاسی وڵاتێک، یان دەوڵەتێک و پاراستنی شەرعییەتی خۆی، ئاسایشی ئابووری بە پاراستنی سەرچاوەکان و سامانی دارایی و گەشەپێدان پێناسە دەکرێت.
ئاسایشی کۆمەڵایەتی مانای پێکەوەژیانی ئاشتییانەیە لەنێوان هەموو پێکهاتەکانی دەوڵەتدا، ئەمەش لە ڕێگەی پەسەندکردنی چەند حزب و لایەنێک ئەنجام دەدرێت، جگە لە ڕێزگرتن لە نەریت و نەریتەکانی پێکهاتەکانی دیکە بەبێ گوێدانە ئایین ڕەگەز ناسنامە، پەیوەندی تایەفە و هەستی ئاسایش لەئەستۆی حکومەت و حزبی فەرمانڕەوا ئەو ووڵاتە دەبێت.
سەرەڕای هەموو ئەمانە ئەرکی هەموو ڕێکخراو حزب و تاک بەتاکی ئەم ووڵاتەیە، ئەرکی ئاسایشی ووڵات لە ئەستۆ بگرن ئاسایشی نەتەوەیی بە توانای ووڵاتێک یان دەوڵەتێک پێناسە دەکرێت، بۆ پاراستنی سەرچاوەکان و خاک و بەرژەوەندییەکانی لە هەموو هەڕەشە دەرەکی و ناوخۆییەکان، لەگەڵ ئەوەشدا لە ئەنجامی جیهانگیریدا چەندین گۆڕانکاری لە دەوری چەمکی ئاسایشدا ڕوویداوە، دیارترینیان دەسەڵاتە، چونکە چیتر پەیوەندی بە فاکتەری سەربازییەوە نییە، بەڵکو لەوە زیاتر ڕۆیشتووە بۆ پەروەردە، تەکنەلۆژیا سیاسەت پشتبەستن بە زانیاری و گەشەی ئابووری ڕۆشنبیری تا دوای.
هەر میللەتێك ئارەزووی مانەوەو داهاتوویەكی رۆشنتری هەبێت، دەبێ بەهەموو هێزێكەوە قەوارەی نەتەوەیی خۆی بپارێزێت، لەدونیادا زۆر حزب و رابەر هەبوون و هەن دوور لەبۆچوونەكانیان و لەناو هەموو ئایدیا جیاوازەكان سەرسەختانە و بێ دوودڵی شەڕی پاراستنی میللەتی خۆیانیان كردووە، ئێمەش وەک هەموو گەلانی دنیا نابێت وەک چەرخ هەر بەدەوری خۆماندا خول بدەین نابێت چاوەڕوانی لایەنێک بین رزگارمان بکات.
