کاریگەری یاساکانی بەرەنگاربوونەوەی توندوتیژی لەسەر کەمبوونەوەی ڕێژەی تەندوتیژی لە کۆمەڵگەدا
یاسای بەرەنگاربوونەوەی توندوتیژی، لە ڕووی ڕێژەی توندوتیژی بەرامبەر بە ئافرەتان هەر گۆڕانکاری ڕوویداوە ولە دوای دەرچوونی یاسای بەرەنگاربوونەوەی توندوتیژیەوە تا ئاستێكی زۆر هەنگاوەکانی بەرەنگاربوونەوەی توندوتیژی چوونەتە پێشەوە وبەشێکی زۆری ئەم هەنگاوانە ئەنجامی باشیان هەبووە بەو ئاراستەیەی کە توانیویانە تاڕادایەك توندوتیژییەكان کەم بکەنەوە، بۆ نمونە هەر جاران ئەو كەسانەی توندوتیرژیان ئەكرد بەرامبەر ئافرەتان و ئافرەتیان ئەكوشت ئاسانكاریان بۆ دەكرا وسزاكانیان سوك دەكرا وتەنانەت هەندێ جار توندوتیژی بەرانبەر بەئافرەتان هەر بەتاوان دانەدەنرا، بەڵام دوای دەرچوونی یاساكە دۆخێك هاتە ئاراوە كە توندوتیژکاران و تاوانبارانی بواری توندوتیژی هەست بە هەبوونی سزا بكەن، وەبگیرن و بە سزا بگەیەنرێن كە ئەمە خۆی پێشڤەچونێكی باشە.
بەشیکی تری دەستكەوتەكانی ئەم یاسایە ئەوەیە کە توانراوە توندوتیژی لە بابەتێكی تاکە کەسی وشەخسییەوە بکرێ بە بابەتێکی گشتی وبکرێت بە بابەتێك كە ڕای گشتی لەسەر دروست ببێت وبێتە دەنگ وە وابکرێت کە پشتیوانی لە ئاستێكی باشی كۆمەڵگا بۆ قوربانیەكانی توندوتیژی دروست بکرێت، کە ئێستا ئەوە خۆشبەختانە تاڕادەیەكی باش بوونی هەیە ئەگەرچی لەشاستی پیویست نیە وهێشتا خواستی ئافرەتان و ڕیكرخراوەكان ئەوەیە كە ئەمە زیاتر ببێت وتوندوتیژكارارن وەك تاوانباری كۆمەڵایەتی وكەسانی لادەر تەماشابكرێن. کەواتە ئەتوانین بڵێین دۆخی ئافرەتان بەرەوپێشچوونی بە خۆیەوە بینیوە بەڵام بەروەپەشچوونەکە خێرا و هەمەلاینە نەبووە و چاوەڕوانیەكان زیاترن، بۆیە هەوڵەكانی هەمواركردنەوەی یاساكە لەجێی خۆیدا بوو، بەڵام بەداخەوە بەهۆی ئەو ململانێ سیاسیانەی هاتنە ئاراوە هەمواركردنەوەی ئەم یاسایەیش ڕوینەدا، كە دەكرا توندكردنی سزاكان و پڕكردنەوەی كەلێنەكان دۆخێكی باشتر بۆ ئافرەتان بهێننە كایەوە و یاساكە دوای هەمواركردنەەوەی پارێزەرێكی باشتری خێزان و تاکەکانی خێزان بێت.
