هەموو ئەوانەی سەرودەری دونیای سیاسەت دەکەن و تێگەیشتنیان هەیە بۆ سیاسەت، هەوڵدەدەن بۆ گەیشت بە خواستەکانیان پەنا بۆ دیموکراسی ببەن، لەکاتێکدا مەترسیەک لەبەردەم خواستی خۆیان دەبینەوە، هەوڵەکانیان چڕدەکەنەوە دەست بۆ هەموو لایەک دەبەن هەتاخواستەکانیان نەکەوێتە مەترسیەوە و دادگاکان دەکەنە سەنگی مەحەک بۆ گەیشتن بە خواستەکانیان، بەڵام کام دادگا ئەو دادگایەیی تێیدا دەستەبەری نادادی دەکات و کەمینەیەک بێ بەش دەکات لە ممارەسەکردنی سەرتایی ترین مافی کە هەڵبژاردن و چونە ناو پڕۆسەی دیموکراسیەوە هەتا بەرگری لە مافەکانی بکات، بەڵام لە هەرێمی کوردستان کە “٣٣” ساڵە ئەم پێکهاتە ئەتنی و نەتەوەیی یانە لە حوکمڕانیدا هەموو مافە یاساییەکان یان دەستەبەر بووە.
لەم هەرێمی کوردستانەی کەخاوەن ئەو جوگرافیە بەرچاوەی ناوچە کەیە کە بەبێ خواستی خۆی لکێنراوە بە وڵاتێکەوە کە ناوی ئێراقە و جیاوازتر لە ئێراق هەوڵی بەرچاو یان لەگەڵ داوە لە پێکەوەژیانی ئاینی و لە بڕیاری سیاسیدا بەشداری پێکردوون، خواستی ئەو وڵاتەش هەتا ئێستا نەک لەسەر پێی خۆی نەوەستاوە بەڵکو دارشەقی دەرەکی لەژێر باڵیدایە و هەرکات یەکێک لە دارەکان کەوت دەکەوێتە پەلەقاژەی مەرگ و هانا بۆ پاڵپشتەکانی دەبات تا بەهانایەوە بێن، پرسیارێکی جەوهەری دێتە پێش و دەپرسین لە نێوان دوێنێ دیکتاتۆریەت و ئەمڕۆی بەناو دیموکراسی لەم وڵاتی دەسکەلایەدا چ گۆڕانێک دروست بووە، جگە لە ڕتوشکردنی دیکتاتۆریەت و بڕینی پارچەقوماشێک بە پەیکەرێکدا کە ناویان لێناوە دیموکراسی لە جەوهەردا هەمان ئەو خواستەیە ڕژێمە یەک لەدوایی یەکەکانی ئێراقی عروبە بەسەریدا سەپاندووە.
هەموو ئەوانەی نەخشە ڕێگای سیاسی بۆ هەرێمی کوردستان دادەنێن ئەوانەن کە پیلانەکانیان بۆ لەباربردنی ئەزمونی سیاسی هەرێمی کوردستانە. ساڵانێک لەڕێگای بەکارهێنانی هێزی سەربازی ئەوا ئەمڕۆ دادگا دەکەنە خاڵی وەرچەرخانی ئەجێنداکانیان و بەیاسا دژی ئەم گەلە دەوەستن و سیاسەتی دووفاقی خۆیان جێ بەجێ دەکەن.
لە ناوخۆی خۆشمان دەسکێشەکانی ئێراق هەردەم هاوکاریان بون بە بێ گوێدانە خواستی جەماوەر و مانەوەی قەوارەی سیاسی هەرێم، لە بەرامبەر بڕیارەکانی دادگا ئاهەنگ دەگێڕن خۆشحاڵن بێ ئاگالەوەی هەنگاوی سەرەتایی یە، بەڵام گرنگە بزانن لە پەرلەمانی کوردستان هیچ بڕیارێک بەزۆرینەی پەڕلەمانی نەدراوە تا پێکهاتەکان ڕۆڵیان تێدا گێڕابێت و بوبێتە مەترسی بەڵام ڕاستە نەیانهێشتووە بڕیاری سیاسی نادروست بەزۆرینە بدرێت، بۆیە ئەوەی بەرامبەر پێکهاتەکان کرا، ئەوپەڕی نا دیموکراسی بوو، هیچ پاساوێک هەڵناگرێ کە ڕەوایەتی بدات بەو بڕیارە… هەر بۆیە بڕیارەکە بۆ یەکێتی شۆکهێنەر بوو چونکە خواستی نەبوو کۆی کورسیەکانی کریستیان و کلد و ئاشوری و ئەرمەن و تورکمان بە یەکجاری بە کۆتابێت، ئەوان دەیویست لەو ژمارەیە پشکیان هەبێت و سلێمانی یش داخڵی ئەو دابەشبونە بکەن، لە کاتێکدا ئەو هەوڵە شکستی هێناو و دابەش بونی کورسی کۆتاکان بوە هۆکاری دروست بونی نیگەرانی کۆمەڵگایی نێودەوڵەتی، ئەوەش کاریگەری بۆ داهاتویی پڕۆسەیی سیاسی دەبێت کە یەکێتی لێی بەرپرسیارە….. بەکورتی وبەکوردی خاوەن کەیسەکە بۆ ڕیش چوو سمێڵیشی دانا.
