پێ دەچێ بارودۆخی ئێراق ڕوو لە هەورازوو نشێو بێت، بەهۆی ئەو لێکترازانەی نێو ماڵی عەرەبی وکەلێنی نێوان شیعەو سونە لەلایەک و دڕدۆنگی شیعەکانیش لە لایەکی ترەوە. هەر دوێنێ بوو بەبڕیاری دادگای فیدڕاڵی کە وەک و ڕیمۆند کۆنتڕۆڵی ئێرانە، حەلبوسی لە سەرۆکی پەرلەمان دورخرایەوە و حەسانەی پەرلەمانی لێ سەندرایەوە. لە لایەکی ترەوە لە ئێستادا بەهۆی شەڕی ئیسرائیل-غەزەوە، گروپە چەکدارەکانی نزیک لە ئێران، دوژمنایەتی خۆیان لەگەڵ ئەمەریکاو بەرژەوەندیەکانی ئەمەریکا ڕاگەیاندوە، جگە لە هێڕشی درونی و ئاراستە کردنی موشەک بۆ سەر بنکەو بارەگای هاوپەیمانان لە ئێراق و سوریا، لە هەوڵی ئەوەش دان شەقام دژی ئەمەریکاو ئیسرائیل بجوڵێنن.
ئەمە لە کاتێک دایە دۆخی ئێراق لەوپەڕی خراپی دایەو، مەترسی داعش کردەوەی تیرۆرستی بە کۆتا نەهاتوەو، ڕۆژانە لێرەو لەوێ هێڕش دەکرێتە سەر بنکە سەربازی و ئابوریەکانی عێراق وئەگەر هێزەکانی ئەمەریکاو هاوپەیمانان نەبێت، کردە تیرۆریستیەکان زیاترو زیاتر دەبن. لەلایەکی ترەوەش ئەو بڕیارەی دادگای فیدڕاڵی بەرامبەر بە حەلبوسی، سەرۆکی پەرلەمان و گەورەترین دامەزراوەی دا،سەرهەڵدانی گەورەترین مەترسیەو، زیندو کردنەوەی بیری بەعسینیزمە، کەهەر کارەکتەرێک لە دەوری بەرژەوەندیەکانیان نەبێت، بەبڕیارێکی دیکتاتۆریانە ئاوتی بکەن. چونکە ئەم بڕیارەی دادگای بەناو فیدڕاڵی لە چاوەڕوانی زۆری تردایە، بەتایبەت ئەو کارەکتەرانەی لە حکومەت و دەسەڵات دان،گەر لە هێڵە سورەکەی ئێران بترازێت، کارتی سوریش نابینێت و ئاوت دەکرێت، کە ئەمە خراپی دۆخی ئێراقمان پێ دەڵێت، ئەوەمان بۆ ڕوون دەبێتەوە کە گڵۆڵەی بەختی ئێراق ڕوو لە لێژیەو بەو بیروبۆچونە بیرتەسکیە بێت ئێراق لە چاوەڕوانی هەڵوەشانەوەدایە.
