گەر هیچ کەس ڕاستی شۆڤینیستی عەرەب نەزانێ، کورد لە باشوری کوردستان، باش دەزانێت کە چەنێک بیری شۆڤێنی زاڵە بەسەر هەموو بیرو مێشکی تاک بەتاکی عەرەبدا، جا شیعە مەزهەب بێت یان سونی، ڕۆشنبیر بێت یان نەتەوەیی، شۆڕشگێر بێت یان ئیرهابی، عەرەب هەر عەرەبەو چۆن یەک کۆ یەک دەکاتە دوو، عەرەبیش چۆن کۆی کەیتەوە هەر عەرەبەو هەڵگری ئەو ئەقڵیەتەیە کە سەدان ساڵە مێشکیانی ئاخنیوە لە شۆڤینیەت و چاویان هیچ میللەتێک نابینێ جگە لە خۆیان، چ جای بینینی گەلی کورد.
ئەگەر لە دەسەڵاتدارانی ئەمڕۆی ئێراق بڕوانین کە تا بەر لە ڕوخانی بەعس زۆربەیان بنکەو بارەگاکانیان لە کوردستان بوو، ئەرک بوون بەسەر جوتیارانی کوردستان و هێزو لایەنە سیاسیەکانی کوردستان، لەو دەڤەرەی کە بە هەرێمی کوردستان ناسراوە خۆیان ئاخنیبووە نێو جلوبەرگی کوردیەوەو وەک هاوبەش و برای کورد خۆیان ئەناساند، بەڵام دوای گرتنە دەستی دەسەڵات، هەموو ئەو ڕابردوەیان بیرچوەوە، دۆستایەتی، خانەخوێتی، هاوپەیمانێتی، تەنانەت شەریکایەتیشیان لەگەڵ کورد لە ئێراقی نوێ و بەپێی دەستورێک کە خۆیان ئەندام بونە تێی داو دانیان پیادا ناوە کە لە چوارچێوەی ئێراق دا دەستور سەروەر بێت و کار بۆ جێبەجێ کردنی بکەن،بەڵام وەک دەبینین هەموو ئەو بەڵێن و تەنانەت ئەوەی لە ڕەشنوسی دەستوریش دا جێگیر کراوە بیر خۆیان دەبەنەوەو لەهەوڵی ئەوەدان لەگەڵ ئەقڵیەتی شۆڤێنی خۆیان دا بیانگونجێنن.
ئەمە لە کاتێکدا ئیدعای ئەوە دەکەن کە کوردستان بە هاوڵاتیەکانیەوە بەشێکە لە ئێراق، بەڵام سەیر کەن لە واقیعدا وا نیە، گەر وابوایە و بەڕاستی گەلی کوردیان بە ئێراقی ئەژمار بکردایە، هەوڵی برسی کردن و جیاکردنەوەی خەڵکەکەیان نەدەدا، ئەی بۆ دەسەڵاتدارانی ئێراق لەسەردەمی شەڕی داعش شاری موسڵ بەدەستی داعشەوە بوو، مانگانە موچەو شایستە دارایەکانیان بۆ ڕەوانە دەکرا، بەڵام بۆ هەرێمی کوردستان کە شەریکە دەسەڵاتەو بەپێی دەستور کوردستان هەرێمێکە لە چوارچێوەی ئێراقی فیدڕاڵ کەچی موچەی فەرمانبەرانی نانێرێ و لە برسی کردنی خەڵکەکەی بەردەوامە هۆکاری هەموو ئەمە بیری شۆڤێنی عەرەبە کە ڕۆچووەتە مێشکیان و ئەستەمیشە بتوانن بیروو مێشکیان لەو زەڵکاوە پاک بکەنەوە.
ئێوە سەیر کەن عەرەب لە ئێراق کە ئێستا هەموو جومگەکانی دەسەڵاتیان بەدەستەوەیە، لەنێو خۆیان دا کێشەی سیاسی و مەزهەبی و ناوچەییان هەیە، هەر لەناو خودی شیعەدا چەندین تەیاروو لایەنی دژ بەیەک بونی هەیە، بەگشتی و سەرەڕای کێشەکانی نێوان خۆیان وەک شیعە مەزهەب، دژی سونە مەزهەبن و مەترسی گەورەشن بۆ سەر گیان و ماڵیان، بەڵام هەموو ئەمانە وەک عەرەب، سەرەڕای ناکۆکییە قوڵەکانی نێوانیان لەبەرامبەر مافەڕەواکانی خەڵکی کوردستان، بیرە شۆڤینیەکەیان زاڵ دەبێت و یەک دەگرن دژی داخوازی و شایستەکانی کوردستان بیری شۆڤێنی عەرەبی ئێراقی یەکگرتون لەئاست داواکاری هەرێمی کوردستان، سەرەڕای جیاوازی مەزهەبی و سیاسیان، بەڵام کوردو لایەنە سیاسیەکانی کوردستان کە یەک نەتەوەو یەک خوێن و لەژێر یەک بنمیچ دا کۆبونەتەوە لەسەر ناکۆکی تەسکی حیزبایەتی هەر یەکە بە بایەک شەن دەکات، جڕوجانەوەری شۆڤینیستی عەرەبی ئێراقیش کەوتونەتە وێزەیان و برسیان دەکات، درز دەکاتە نێوانیانەوە.
ئێمەی کورد هەست بەو هەموو مەترسی و دابڕینانە ناکەین، کەچی عەرەبی ئێراق سەرەڕای هەموو ناکۆکی و بەرژەوەندیە سیاسی و مەزەبیەکانیان لەئاست دەسکەوتەکانی کورد یەک دەگرن و بیری شۆڤێنستیان زیندو دەکەنەوە، ئێمەش تا دێت لەیەک دوور دەکەوینەوە، بەو دوورکەوتنەوەشمان لەیەکتر ئایندەی هەرێمەکەمان دەخەینە مەترسییەوە، بۆیە پێویستە یەک شت بزانین ئەوەیە، بیری ناسیۆنالیستی عەرەبی ئەوەندە زاڵە بەسەریان دا لە چڵکاوی شۆڤینستی دا نقوم بونەو ئەستەمە لێی دەرچن، هەر بەو لۆژیکە بیر دەکەنەوە، چاک بونیان ئەستەمە، بۆیە دەبێ کورد و لایەنە سیاسیەکان هەموو کێشەکانی خۆیان بەلاوە بنێن تا زاڵ بن بەسەر بیری شۆڤێنی عەرەب و ئەو ساتە دژوارەی هەرێم پێیی دا تێدەپەڕێ تێیپەڕێنن، تاکو شکۆ بۆ گەل و کوردستان بگەڕێتەوە.
