ئیتر هاوکێشەکە ڕونەو پێوویست بە تەئویل و تحلیلی قوڵ ناکات لە ٢٥ی ئازارەوە قوفڵی لە فرۆشتنی نەوتی کوردستان داوەو ماوەی شەش مانگی ڕابردووش پارەی بوودجەو موچەی بە هەرێمی کوردستان نەداوەو هەر ڕۆژەی لەدادگا تائیفیەکەیەوە بڕیارێک دژی هەرێمی کوردستان دەردەکات و ڕۆژانەش عەرەبی هاوردە بۆ ناوچەکانی ماددەی ١٤٠ دەگەڕێنێتەوەو لە تازەترین هەنگاویشیدا خەریکی فیتنەیی و ئاشوبی نەتەوەییە لە کەرکوک و حشدو سوپا مەزهەبیەکەشی دەنێرێتەوە بۆ ئەو سەربازگە کۆنانەی سەردەمی ڕژێمی پێشوو تا بیانکاتەوە بە بارەگایی سەربازی باشترین نمونەش ناردنەوەی هێزە بۆ بارەگا کۆنە سەربازیەکەی تۆپزاوا لە کەرکوک
* ئەم هەموو پێشێلکاری و تەعەدایەی بەرامبەر بە هەرێمی کوردستان دەکرێت پێش ئەوەی هەرکەس و لایەکی پێ تاوانبار بکەین سوچ و خەتایی خۆمانەو بەرهەمی نەبوونی یەکڕیزی تەبای و یەک هەڵوێستیمانەو نایارانیشمان لەو نێوەندەدا زۆر بەوردی یاری دەکەن و ئێمەش ڕۆژانە دانیشتووین سەیری جوڵەکانی ئەوان دەکەین کار وابڕوات ڕەنگە بگەینە کش و مات و دۆڕاوی ئەم پیلانگێڕیانەبین
* ئێستا ئیتر کاتی نوزەنوزو بۆڵەبۆڵی سۆشیاڵ میدیاو کێ تاوانبارەو کێ بێتاوانە نییە، چونکە نەک دەرفەت نەماوە بۆ تەسنیفی باش و جاش بەڵکو وەختە دەکەوینە غەرغەرەی مەرگ و ئەوەتا هەر بەو پرۆژە یاسایەی بوودجە کە دەچوێنرا لە پەڕلەمانی ئێراق لەبری پێدانی پارەو بووجەو موچە وەختە قەرزاریشمان بکەن داوای پارەشمان لێبکەن کورد جوانی وتوە ( تا خاوەن ماڵ دزی گرت دز خاوەن ماڵی گرت).
* بێشک ئێستا پرسیاری سەرەکی هەر هاوڵاتیەکی ئەم یشتیمانە ئەوەیە( ٲین المفر)ڕێگە چارەی دەربازبوون چیە؟ بێشک هێشتا کورد دەتوانێت هەندێک جوڵە لە ئێراقدا بکات و بتوانێت بەشێک لەم پیلانگێڕیەی کە دژمان هەیە کەم بکاتەوە یاخود ڕابگرێت بۆ ئەش پێوویستە ئەم ڕێگایانە بگرینەبەر:
١/ دەبێت هەرچی زوە یەکگرتویەکی نیشتیمانی لەسەر ئاستی هەموو هێزە سیاسیە کوردستانیەکان ڕابگەیەنین و هەڵووێستێکی یەکگرتووی ڕاستەقینانە نیشانی ئێراق و وڵاتانی هەرێمایەتی بدەین ،کە بەم هەنگاوە بێشک شەقامی کوردستانیش پاڵپشت و پشتیوانێکی گەورە دەبێت.
٢/ ئەرک و ڕۆڵ و کارەکان دابەش بکرێن و جگە لە نیشاندنی هەڵوێستی یەکگرتوویی سیاسی چەندین لیژنەی دەستوری و یاسایی و هونەری و ئیداری لە ئاستی باڵا دروست بکرێن و تێکڕای سەرنج و پێشنیارو ئامژگاکانیان ئامادە بکەن و بەهاوبەشی لەگەڵ وەفدی سیاسیدا لە کۆبوونەوەکان بەشداربن و بیخەنەڕوو ڕونی بکەنەوە.
٣/ لەڕووی دیبلۆماسیەوە وەفدێکی باڵای هەرێمی کوردستان لەسەرجەم حیزب و هێزە کوردستانیەکان گەڕێکی دیبلۆماسی گەورە دەست پێبکەن و هەوڵبدەن ئەم بارو دۆخە خولقێنراوە بۆ ڕای گشتی هەرێمایەتی و جیهانی ڕونبکەنەوەو لە ڕێگەیەۆە گوشارو فشارە نێودەوڵەتیەکان بەکاربهێنین بۆ هێنانە ژێرباری دەوڵەتی ئێراق بەپێدانی مافە دەستوری و یاساییەکانی هەرێمی کوردستان.
٤/ لەڕووی ڕاگەیاندنەوە هەوڵبدرێت هەموو هێزو توانای میدیاو سۆشیاڵ میدیای هەرێمی کوردستان لەم پێناوەدا بخرێتە گەڕو ئەو شەڕە دەنوک و تەشهیرو تەشەنوجاتانە کۆتاییان پێبهێنرێت و بەپێچەوانە هەموو ئەم هێزە کاریگەرە بۆ خزمەتی مافەکانی خەڵکی کوردستان بەکاربهێنرێت و هەستی نیشتیمان پەروەری و خۆ بەکەم نەزانین لەناو هەموواندا زیندوو بکاتەوەۆ ڕای گشتی جیهانی لەم دۆخە تێبگەیەنێت.
٥/ لەسەر ئاستی ناوخۆش هەموو ڕێکخراو گروپ و چالاکیەکان بەیەکدەنگی و یەکڕیزیەوە پشتگیری تێکڕای ئەم هەوڵانە بکەن کە وەفدو نوێنەرەکان دەیانگرنەبەر بەرامبەر بە بەغداد و گەل وەک سەرچاوەی هێزی دەسەڵات ڕۆژانە لە شارو شارۆچکەکان بەڕێکاری مەدەنیانەو ئاشتیانە خۆیان نیشان بدەن و هێزو قوەت بە وەفدی دانوستانکاری کوردستان بدەن.
* کەوابوو مەفەڕو دەروازەی دەرچوون لەم ئەزمەو گوشارو فشارە هەمەچەشن و هەمە ئەرکەو کاری لە پێشنەی هەموومانەو نابێت دانیشتن بەدیار حیکایەتی باش و جاشەوە ئەگەر ئەمانەمان نەکرد دووچاری کۆڵانی تاریکترو ئەزمەی قوڵتر دەبینەوەو مەفەڕی چارەسەریش هەزارو یەک گرێ و گۆڵی تێدەکەوێ.
