مافی نەتەویی کورد لەشاری کەرکوک لەژێر گووشار و فشار و پەراوێزخستنی تەواوەتی نەتەوەی کورد دایە، ئەم ڕابوون و هەڵسانەوە و خۆپیشاندانە خۆڕسکەی ئەمجارەی هاونیشتیمانیانی کوردی شارەکە دەرخەری ڕەوتێکی گۆڕانکاریە لەچەسپین بەسەر بیرکەرەوانی ئیداری شاری کەرکوک.
لەجیهاندا هەر کاتێک مافی نەتەوەیی کەوتە ژیر بچووکترین پرسیاری جددی ئەوا خەمخۆران و تێکڕایی ئەو نەتەوە مافخوراوە لێی دێنە دەنگ دەست دەکەن بەخۆپیشاندان و فشاری جۆراوجۆر لە لێپرسراوان و کاربەدەستان و، دەیانخەنە حاڵێکی وا کە ناچاریان بکەن بەئەرکی لێپرسراویەتی و بەرپرسیارییەتی هەڵسن بەگێڕانەوی مافی مافخوراوانی نەتەوەی مافخوراو. شاری کەرکوک کە مۆرکی کوردەواری و کوردستانیبوونی بەسەرشانەوەیە ڕۆژ دوای ڕۆژ تاکوو پێش خۆپیشاندانەکان مافی نەتەوەیی کورد لەشاری کەرکوک لەژێر هەڕەشەدایە، ئەم هەڕەشەش لەمافی نەتەوەیی لەکورد لەشاری کەرکوکەوە گواستراوەتەوە بۆسەر هەڕەشەو مەترسی تاکو نییەنی لەباربردنی قەوارەی دەستوری هەرێمی کوردستان کە دەستوری هەمیشەیی ئێراقی فیدراڵ دانیپێداناوە لەکەڵکەڵەیاندایە ئەویش بەڕێگای جۆراوجۆر واتە سزادانی مووچەخۆرانی هەرێمی کوردستان.
مافی نەتەوەیی کورد لەشاری کەرکوک دابەشدەبێت بۆ سەر داگیرکاری زەوی و زار و بەشخورانی ڕۆشنبیری و پشتگوێ خستنی کولتوری کوردەواری و غەدری سیاسی لەهێزێکی دیاریکراوی کوردستانی کە قوتابخانەی کوردایەتی جۆش دەدات و ستەمی ئابووری و مووچەیی ل ەمامۆستایانی کورد لەشارەکە و هەوڵ بۆ پچڕاندنی ئاشتەوایی کۆمەڵایەتی کەبناغەی کۆمەڵگەی فرەنەتەوە و فرە ئایینی شاری کەرکوکی لەسەر بنیات نراوە تێکبدەن لەبەر نەگەڕانەوە بۆبڕگەکانی دەستوری هەمیشەیی ئێڕاقی فیدڕاڵ کەگەرەنتی مانەوەی ئێراقە لەژێر مافە دیموکرسییەکاندا، هەر بۆیە لەو ووڵاتانەدا مافی نەتەوەیی بەسیاسی دەکرێت جێکەوتە دیموکراتییەکان نەش و نما ناکەن، بەڵکو پاشەکشە دەکەن بەرەو ئاقاری نادیار و دووردەکەونەوە لەکەناری ئارامی بۆ خزمەتی مافی نەتەوەیی گشت نەتەوەکان.
جێگای سەرسووڕمان و داخ و کەسەرە شارێک لەدەوڵەتی ئێراق بەناوی کەرکووک زۆرینەی دانیشتوانەکەی پێکهاتەیەک پێکی بهێنن بەناوی نەتەوەی کورد، کە بۆ سەدەها ساڵە لەو خاکەدا خوێنی بەخشیبێت. مافە نەتەوەیەکانی ژێرپێی خرابێت و دوورخرابێتەوە لەکایەکانی ئیداری و ئەمنی و پەرەپێدانی زیاتری شارەکە. ڕێگەچاڕەی گونجاو بۆ دووبارە بەدەستهێنانەوەی مافە نەتەوەیەکەی کورد لەشاری کەرکووکی دڵی کوردستان ئەوەیە؛ فشار لەناوخۆ، ئەویش بەیەکدەستی و یەکڕیزی هێزە کوردییە کوردستانییەکانی هەرێمی کوردستان و دۆستانی کورد لە دەرەوەی کوردستان فشار لەسەر کۆمەڵگەی نێودەوڵەتی دروستبکرێت هاوشێوەی ئەو نەتەوانەی پەراوێزخراون لە ناوچە جێناکۆکەکانی نێوان هەرێم و دەوڵەتەکان چارە بکرێت بەدووبارە زیندوو کردنەوەو گیان بەخشینەوە بەو نەتەوە مافخوراوە.
وێڕای ئەوەی لەمڕۆدا نائامادەگییەکی تەواو هەیە بۆ یەکدەنگنەبوونی هێزە سەرەکییە کوردییەکان لەناو هەرێمی کوردستان لەهەمبەر ئەو زوڵمە نەتەوەییەی لەشاری کەرکوک لە نەتەوەی کورد دەکرێت، بەڵام بەهیواو ئومێدی ئەوەی سەرکردایەتی سیاسی کورد لەئاست بەرپرسیاری قۆناغی سەختی نەتەوەیی کورد بێت لەشاری کەرکوک وەک ئەوەی هەموو لێکدانەوەیەکی سیاسی نێوانیان، لەخوار مافی نەتەویی ببینێت.
