دادگاکانی تورکیا چۆن لە نەوەدەکانی سەدەی ڕابوردوودا کەوتبوونە وێزەی کورد و هێزە دیموکراتی و مەدەنیەکان و هەر ڕۆژە و بەپاساوێك تەنگیان پێ هەڵدەچنین و بووبوون بە کوتەکی دەستی دەوڵەتی عەسکەرتاریی تورك بەرانبەر دژبەرەکانیان، بەهەمان شێوە ئەو دادگایەی کە ئێستا لە بەغداد لەژێر ناوی (دادگای فیدراڵی)دا بڕیاری ڕۆژانە دەردەکات و تەنانەت لە کێشەی خێزانیشدا قسەی هەیە، کوتەکێکە بەدەست دەسەڵاتدارە ئێرانیەکانی ئێراقەوە و نەك هەر سیستەمەکەی ئێراقی هیوا و ئاشتی کردووە بە مەخسەرەی خەڵکی هۆشیار، تەنانەت خودی هێزە وەلائیەکانیش هەندێکیان خەریکە شەرمەزارەبن لە ڕەفتار و فتواکانی…
جا ئەزموون سەلماندویەتی چارەنووسی ئەو هێزانەی جوڵێنەری ئەو دادگا سەمەرەیەن، یان ئەودیوی سنور دەبێت یان هەمان چارەنوسی حیزبە عەسکەردۆستەکانی ئەوسای تورکیایان دەبێت، کە چۆن بوونەتە خڵتە وقەپان نایانخوێنێتەوە.
ئیتر ئەوەیشی پێی ناخۆشە و دڵی ژان دەکات لە ڕەخنەگرتن لەو دادگایە، دەتوانێت بەهەموو هێزیەوە تەبەعیەت و ئیخلاصی خۆیی بۆ دەربڕێت، بەڵام تکایە با خۆی بگرێت و جنێو نەدات بە ڕەخنەگران و ڕیسواکەرانی ئەو دامەزراوە سەمەرەیەی بەرەی مقاوەمەت.
