ئێدوارد سەعید دەلێت درۆیە سەدام حوسێن هەلەبجەی كیمیا باران نەكردووە
ئێدوارد سەعید لەگەڵ ئەوەی بەخاوەنی میتۆدی سەرزەنشتی خۆرئاوا دادەنرێت، تاكە كەسێكە توانی لەرێگەی پەرتووكی خۆی شرۆڤەی خۆرئاوا وهەژموونی خۆرئاو بەسەر خۆرهەڵات دا بكات لەرێگەی پەرتووكەی خۆی بەناوی خۆر هەڵاتناسی كە لەسالی1978دا بڵاویكردەوە، بەڵام بۆ ئێمەی كوردیش رۆشنبیرێكی ئازار بەخشە، ئەم رۆشنبیرە كەسێكە دژ بە دۆزی كورد و داخوازیەكانی ئەم میللەتەیە، پیاوێكە نەهی لە ئازار و برینە سارێژ نەكراوەكانی رابردووی ئێمە دەكات وە ئەم بۆ چوونەی سەعید بۆ كورد دەخاتە روو لەخۆیەوە نیە سەعید لە بابەتێك دواوەكە پەیوەندی راستەوخۆ و توندوتۆلی بە مێژوو و رووداوە دژوار برینە سارێژنەكراوەكانی ئێمەوە هەیە.
ئێدوارد سەعید لە دوو شوێن لە مەر دۆزی كورد دا دواوە، ئێدوارد سەعید نیشانەی پرسیار؟؟ لەسەر ئەو راستیە دادەنێت ،كە بەعس شاری هەلەبجەی كیمیاباران كردبێت، ئەمە لە دوای داگیركاری ئەمریكا و شەریعەت دان بەجەنگ و هێرشی هاوپەیمانی لە دژی ئیراق لە جەنگی كوێت كە دەیەوێت لاپەرە رەشەكانی مێژووی بەعس هەلبداتەوە لەدوای داگیركردنی ئێراقەوە بۆكوێت ئەمریكا دەكەوێتە هەلدانەوەی لاپەرە ڕەشەكانی مێژوویی بەعس بۆ كۆكردنەوەی رای گشتی لە دەوری شەرەكە بە شێوەیەكی بەرفراوان تراژیدیایی هەلەبجە دەكرێتەوە، ئێدوارد وەك رۆشنبیرێكی رەخنەی گومان لە هەموو ئەو بەهانانە دەكات، كە ئەمریكا بۆ رەوایەتی دان بەجەنگی دژی ئێراق چەكی كیمیاوی دژ بە كورد لە هەلەبجەدا بەكاری هێنابێت سەعید مانگی مارتی سالی 1991 لەم بارەیەوە دەنووسێت بەهانەی ئەوەی كە ئێراق كاری ژەهراویكردنی كوردەكان لە هەلەبجەدا كارێك بوو، ئێرانیەكان ئەنجامیان داوە نەك نەك سەدام و رژێمەكەیی دەلێت چۆن ئێراق گەلی خۆی كیمیا باران دەكات.
لەخالی دووەم بەهەمان شێوەی خالی یەكەم دژی پیلانی ئەمریكایە بۆ كۆكردنەوەی رای گشتی و هەموو جیهان لە چوارچێوەی جەنگێكی نوێ دژی دەسەلاتە سیاسیەكەی ئەوكاتی ئێراق، بەلام ئەم جارە بۆ دەرهێنان رەگ ریشە و كۆتایی پێ هێنانی رژێمی سەدام حوسێن و دار ودەستەكەیەتی، ئەمەش لە ساتێك بوو كە شرۆڤەكارانی سیاسی وێنایی ئێراقی دوای سەدام حوسێنیان دەكێشا لە گۆشە نیگایەك دا باس لە سیستەمێكی نوێ حوكم رانی بۆ ئیراق دەكرا ئەویش بریتی بوو لە سیستەمی فیدرالی دیموكراتی لە شوێنی دەسەلاتە تاكرەو فاشیست و تۆتالیاری ئێراق.
لێرە دا ئێدوارد نارەزای و دژایەتی خۆی دەردەبرێت بۆ ئەم سیستەمە فیدرالیەی لە ئێراقدا، ئێدوارد گۆرینی سیستەمی حوكمرانی ئێراق بەسەرەتای لاوازی پەرتەوازەی ئێراق و بەیەكدادانی ناوەخۆ دادەنێت، بەبێ گوێ دانە ویست خواستە و ئامانجەكانی گەلی كورد.
