رێکخراوێکى کوردستانى خوێندکارانى کورد بووە، لە ئەوروپا دامەزراوەو لە زوربەى ڵاتان لقی هەبوو، لە رێگاى نواندنى چالاکی (سیاسی، رووناکبیرى و هونەری)و بەستنى پەیوەندیی دۆستانە لەگەڵ ژمارەیەکى زۆرى رێکخراوە خوێندکارییەکانى وڵاتانەوە، لەپێناوى ناساندنى دۆزى رەواى گەلەکەمان کاریگەرى بەرچاوى هەبوو لە سەرجەم وڵاتانى ئەوروپا، بەڵکو هەر لقێکى کۆمەڵە وەک باڵیۆزخانەیەکى گەلەکەمان بوو.
کۆمەڵە سەرەراى ئەرکە پێشەییەکانى وەک رێکخراوێکى خویندکارى، رێکخراوێکى کوردستانى و کوردایەتى دەگمەن بوو، چوارچێوەو چەترى کۆکەرەوەى خوێندکارانى کوردى هەر چوار پارچەى کوردستان بوو، ئەندامەکانى ئازایانە ڕووبەڕووى کردە هوڤەکییەکانى داگیرکەرانى کوردستان دەبونەوەو رەفتارەکانیان شەرمەزار دەکرد دژ بە گەلەکەمان لە رێگاى خوپێشاندان و بڵاو کردنەوەى چەندین گۆڤارو رۆژنامەو بڵاوکراوە بە زمانى جیاواز جگە لەوانەى بە زمانى کوردى بڵاودەکرانەوە.
گۆڤارى سەرەکى و زمانحالى کۆمەلە ( گوڤارى کوردستان)بوو، بەڵام بە داخەوە دواى نسکوى شۆرشی مەزنى ئەیلول و لەسەر بنەماى جیاوازى بیرکردنەوەو پەیوەندى ئەندامەکانى کۆمەڵە بە لایەنە سیاسییە ناکۆکەکانى ئەو ساتە وەختەى کوردستانەوە، رێکخراوەکە ڕووبەڕووى دابەشبوون و لێکترازان بوو بەسەر (٣) رێکخراوى ناکۆک و تا راددەیەک دژ بە یەک:
١- کۆمەڵەى خوێندکارانى کورد لە ئەوروپا/ سەر بە (پارتى دیموکراتى کوردستان ) سەنتەرەکەى لە (بەرلینى روژئاوا) ى ئەڵمانیا .
٢- کۆمەلەى خوێندکارنى کورد لە ئەوروپا/ سەر بە (پارتى کۆمۆنستى ئێراق). سەنتەرەکەى لە شارى (پراگى)ى چیک و سلۆڤاکیابوو
٣- کۆمەڵەى خوێندکارانى کورد لە دەرەوەى وڵات (ئەکسا)سەر بە (ی ن ک ). سەنتەرەکەى لە بەرلینى روژهەڵاتى ئەڵمانیا بوو .
کۆمەڵە لەو پەرتەوازەییەدا وەکو جاران تواناى ئەنجامدانى چاڵاکى بەرفراوان و کاریگەرى نەمابوو، بارودۆخى لێکترازانى کۆمەڵە دریژەى کێشا تا ئەو کاتەى بە بڕیارێکى بەرەى کوردستانى هەر سێ رێکخراوەکە یەکیان گرتەوە سالى ١٩٨٧- ١٩٨٨.
لە (١٩٥٦- ١٩٧٥)، کۆمەڵە سەرەراى کۆمەڵێک رێگرى و کەم توانایی دارایی، توانى بە رێکوپێکى (١٧)کونگرەى یەکگرتوو ببەستێت، زۆربەى کۆنگرەکان لە وڵاتى ئەلمانیا بەستراون، چونکە لەو وڵاتەدا زۆرتر رێگەپێدان و ئاسانکارى هەبوون. کۆنگرەکان بەم شێوەیەى خوارەوە بەستراون :
١– کۆنگرەى یەکەم: لە شارى ڤیسبادنى ئەڵمانیا، لە بەروارى ١٠-١٦/ ٨/ ١٩٥٦. (١٧)خوێندکار بەشداربوون .
٢– کۆنگرەى دووەم: لە بەروارى ٢-٤/ ١ / ١٩٥٨، لە شارى (لەندەن)، (٢٢) خوێندکار ئەندام بوون .
٣– کۆنگرەى سێیەم: لە بەروارى ٤-٨/ ٨ / ١٩٥٨، لە شارى میونیخى ئەڵمانیا، (١٧) خوێندکار بەشداربوون .
٤– کۆنگرەى چوارەم: لە بەروارى ١٩- ٢٣ / ٧ / ١٩٥٧، لە شارى ڤییەننا، (٤٠) خوێندکار بەشداربوون .
٥– کۆنگرەى پێنجەم: لە بەروارى ٢٢-٢٦ / ٨ / ١٩٦٠، لە بەرلینى ڕۆژئاوا، (٧٣) خویندکار بەشداربوون .
٦– کۆنگرەى شەشەم: لە بەروارى ٢١- ٢٦ / ٨ / ١٩٦١، لە شارى مونیستەرى ئەڵمانیاى ڕۆژئاوا، (١٠٩) خوێندکار بەشداربوون .
٧– کۆنگرەى حەوتەم: لە بەروارى ٩- ١٥ /٨ / ١٩٦٢، لە شارى براونشڤایک ى ئەڵمانیاى ڕۆژئاوا، (١١٠) خویندکار بەشداربوون .
٨– کۆنگرەى هەشتەم: لە بەروارى ٩-١٥/ ٨/ ١٩٦٣، لە شارى میونیخى ئەڵمانیاى رۆژئاوا، (١٥٦) خوێندکار بەشداربوون .
٩– کۆنگرەى نویەم: لە بەروارى ٣-٩/ ٨/ ١٩٦٤، لە شارى هانۆڤەرى ئەلمانیاى ڕۆژئاوا، (١٨٣) خوێندکار بەشداربوون .
١٠– کۆنگرەى دەیەم: لە بەروارى ١٧- ٢٢ / ٨/ ١٩٦٥، لە بەرلینى ڕۆژئاوا، (١٢٥) خوێندکار بەشداربوون .
١١– کۆنگرەى یازدەهەم: لە بەروارى ٢٦-٣٠ / ٨/ ١٩٦٦، لە بەرلینى ڕۆژئاوا ى ئەلمانیا، (١١٧) خوێندکار بەشداربوون .
١٢– کۆنگرەى دوازدەهەم: لە بەروارى ٢٧-٣١/ ١٢/ ١٩٦٧، لە شارى بەلەگرادى یوغوسلافیا، (٢١٢) خوینکار بەشداربوون .
١٣– کۆنگرەى سێزدەهەم: لە بەروارى ١١-١٦ / ٨/ ١٩٦٨، لە بەرلینى ڕۆژئاواى ئەلمانیا، ( ١٤٥) خویندکار بەشداربوون .
١٤– کۆنگرەى چواردەهەم: لە بەروارى ١-٥/ ٨/ ١٩٧٠، لە ستوکهۆڵم ى سوبد، (١٣٥) خوێندکار بەشداربوون .
١٥– کۆنگرەى پانزەهەم: لە بەروارى ١٦-٢٠/ ٢/ ١٩٧٢، لە شارى بوخارستى رۆمانیا، (٢٦٠) خوێندکار بەشداربوون .
١٦– کۆنگرەى شانزەهەم: لە بەروارى ١٦-١٩/ ٨/ ١٩٧٣، لە بەرلینى ڕۆژئاواى ئەڵمانیا، (٣٠٠) خوێندکار بەشداربوون .
١٧– کۆنگرەى حەڤدەهەم: لە بەروارى ٢٧-٣١/ ٨ / ١٩٧٥ ، لە بەرلینى ڕۆژئاواى ئەڵمانیا، بەداخەوە دەرەنجامى ناکۆکى و ناتەبایی، لەم کونگرەیەدا کۆمەڵە لە بەر یەک هەڵوەشایەوە.
ژێدەر/ ئەکاونتی فەیسبووکی بەڕێز (عارف ڕوشدی)
