ناسیۆنالیستێكی كوردی و خاوەن عەزمی بیری سەربەخۆیی بوو.
داهێنەری لۆبی كوردی و چەقێنەری ئاڵای كوردستان بوو لەدڵی داگیركەردا.
دكتۆری سەركردە كوردەكان و دەرمانی روحیی گەلی كورد بوو.
یٔەو بۆ ئەبەد لەسەر چیای حەمرین و وەك گڕی بابە گوڕگوڕ بە سەربەرزی و پرشنگداری لەناو هزری گەلەكەیدا دەمێنێتەوە.
نەجمەدیمن كەریم، خەباتكاری سەرسەختی رێبازی كوردایەتی و هەڵۆی یٔازادی كوردستان بوو، هەموو تەمەنی خۆی كردە قوربانی بۆ گەلی كورد و كورسی و دەسەڵاتەكەشی لەو پێناوەدا بەكارهێنا و هەر لەو پێناوەشدا كردیە قوربانی.
دكتۆر نەجمەدین كەریم، پیری ریفراندۆم و ئیلهام بەخشی كوردستانی بوونی كەركوك. ساڵی 1949 لە دڵی كەركووكی داگیركراودا هاتۆتە لە دایک بووە، ساڵی 1972 كۆلێژی پزیشکی لە زانكۆی موسڵ تەواوكردووە، دواتر دەچێتە یٔەمەریكا و خوێندنی باڵای لە زانكۆی جۆرج واشنتۆن تەواو كردووەو پلەی بۆردی نەشتەرگەری مێشك و دەماری بەدەست هێناوەو لەهەمان زانكۆ بووەتە مامۆستا.
لەویلایەتەكانی واشنتۆن و مێریلاند ژیاوە و، خێزاندارەو سێ كوڕ و كچێكی هەیە.
لەژیانی سیاسیدا چەندین پلە و پۆستی بڕیوە و خەباتێكی دوور ودرێژی بۆ ئازادی و ڕزگاری میللەتەكەی سەرفكردووە.
دكتۆری كوردان، لەگەڵ تەواوكردنی زانكۆ و بەدەستهێنانی بڕوانامەكەی لە زانكۆی موسڵ، راستەوخۆ پەیوەندی بە شۆڕشی كوردەوە دەكات و چەكی پێشمەرگایەتی لەشان دەكات.
كاتێكیش چوویە ئەمەریكا، كۆنگرەی نەتەوەیی كورد لە باكوری ئەمەریكا دادەمەزرێنێت و تا ساڵی 1999 وەك سەرۆكی كۆنگرەکەش ماوەتەوە.
یٔەندامی یەكەم شاندی كوردیی بوو كەبۆ یەكەمجار لەمێژووی كورددا ساڵی 1991 بەفەرمی لەگەڵ وەزارەتی دەرەوەی ئەمریكا كۆبوونەتەوە.
دكتۆری كوردان، وەك یەكەم كورد ساڵی 1991 بەشدار بوو لە كۆنگرێسی ئەمەریكا و وتارێكی لەسەر كێشەی كورد خوێندەوە.
هەروەها ڕۆڵی كارای هەبووە لەدامەزراندنی بەشی كوردی دەنگی ئەمریكا و ساڵی 1996 پەیمانگای كوردی لەواشنتۆن دامەزراندووە، كە تا كۆچی دواییشی ھەر خۆی سەرۆكی بوو.
دكتۆر نەجمەدین كەریم هاوڕێی خەبات و پزیشكی هەرە نزیكی ڕابەری نەتەوەی كورد “مەلا مستەفای بارزانی” بووە، هەروەها لەنەخۆشكەوتن تاكو كۆچی دوایی پزیشكی هەرە نزیكی سەرۆككۆماری ئێراق” مام جەلال تاڵەبانی” بوو.
ئەندامی مەكتەبی سیاسیی یەكێتیی نیشتمانی كوردستان بوو.
نەجمەدین كەریم لە3/نیسانی ساڵی /2011 بوو بە پارێزگاری كەركووك، بەشاهیدی عەرەب و تورك و كورد بەسەركەوتووانە توانی خزمەتێكی گەورە بەو شارە و خەڵكەكەی بكات.
بەپشت بەستن بە بڕیاری یٔەنجومەنی پارێزگای كەركووك، توانی خەونی لەمێژینەی كورد بەدی بهێنێت و ئاڵای پیرۆزی كوردستان لە كەركووك بەرز بكاتەوە، وێرای فشار و هەڕەشەی دەوڵەتانی داگیركەری وەك ئێراق و توركیا، بەڵام پێداگر بوو لەسەر بریارەكەی و ئاڵاكەی دانەگرت.
بەهۆی ڕووداوە ڕەشەكانی 16ی یٔۆكتۆبەر 2017، و كۆڵنەدانی لەئامانجی سەربەخۆیی كەركووك، پارێزگاكە بەجێ دەهێڵێت و دەچێتە هەولێر.
هەروەها بەهۆی هەڵوێستی پشتیوانیی كردن لەسەربەخۆیی كوردستان، ڕۆژی 14/كانونی یەكەمی ساڵی/2017 پەرلەمانی ئێراق پۆستی پارێزگاری كەركووكی لە دكتۆر نەجمەدین سەندەوە.
دەستەڵاتی داگیركەر پارێزگارێكی ناشەرعی و نایاسایی بەسەر كەركووكی داگیركراودا سەپاند.
ناوەندی چاوی كورد بۆ دەربڕینی سوپاسگوزاری سەربەخۆ خوازانی كورد، سوپاسنامەی تایبەتی بە دكتۆر نەجمەدین كەریم بەخشی.
لەبەرواری 27/تشرینی یەكەمی /2020 دكتۆری كوردان توشی جەڵدەی مێشك هات و 4 رۆژ پاشتر و لەبەرواری31/تشرینی یەكەمی/2020 كۆچی دوایی كرد. ئەگەرچی ئەو بەجەستە كۆچی دوایكرد بەڵام رێبازەكەی لە ئاسمانی كوردستاندا دەگەشەێتەوە.
نەجمەدین كەریمی ڕیفراندۆمچی، شانازی مێژووی نەتەوەكەی و ناونیشانی سەربەخۆیی كوردستان و مەدالیای سەرسنگی دەوڵەتی كوردی…
لە كۆتا پەیامی سەرەمەرگیدا، دان بە دەستەڵاتی داگیركەری ئێراقیدا نانێت و دەڵێت: كەمردم بە كاتی لەهەولێر بمنێژن، دوای ڕزگاركردنی كەركووك بمبەنەوە كەركووك و بۆ هەتاهەتایە بمسپێرن بەخاكی ئازادی كەركووكی كوردان”
بۆ بینینی ڤیدیۆکە کرتە لە لینکەکە
