ڕەوتێکى سیاسی–ئابورییە، سەرەتاى سەرهەڵدانى دەگەڕێتەوە بۆ کۆتاییەکانى سەدەى شانزەهەم و تا ناوەڕاستى سەدەى هەژدەهەم بەردەوام بووە، پێیوایە کەهێزى دەوڵەت بەڕێژەى ئەو ئاڵتون وکانزا بەنرخانە دەپێورێت کە خاوەنێتى، بەپێچەوانەى ڕەوتى مۆدێرن کە پێیوایە هێزى وڵاتان بە ڕێژەى پێشکەشکردنى کاڵاکان و خزمەتگوزارییەکانى دەپێورێت، هەربۆیە بیرمەندانى ئەم ڕەوتە پێیان وایە کە پێویستە حکومەت دەستوەربداتە کاروبارى ئابورى، وپشتگیریکردنى هەناردە وپارێزگارى گومرگى لەسەر هاوردەکان ودەستوەردان بەمەبەستى زیادکردنى بەرهەمى شایستە بە هەناردەکردن یان بەڕادەیەک کە پێویستى ناوخۆ پڕبکاتەوە وپێویستى بە هاوردەکردنى بەرهەمەکان نەمێنێت، هەروەها داوایان دەکرد کە هێزى سەربازى تۆکمە وبەهێز دروست بکرێت وکۆلۆنیاڵکراوەکان ببسترێنەوە بە وڵاتەکانى خۆیانەوە لەگەڵ دامەزراندنى کۆمپانیا منۆپۆڵکارەکان.
کۆلبێر وەزیرى دارایی فەرەنسا یەکێکە لە ناوە دیارەکانى ناو بیرمەندانى ئەم ڕەوتە، مێرکانتەلى زیانیکى زۆرى گەیاند بە بازرگانى نێودەوڵەتى بەڵام بەهۆى زیاد بوو داخوازى سەرمایەداران بە دەستوەردانى دەوڵەت لەئابورى وڵاتدا لە کۆتاییدا ئەم ڕەوتە کەمێک شکۆى بۆ گەرایەوە.
