هاوكێشە و ئەحداسێن روژهەلاتا ناڤەراست بەردەوام دگهورینان دانە
گرنگە هەرێما كوردستانێ هەڤسەنگیەكا ئەقلانە بەرامبەر پروژێن ئەمریكا و روژئاڤا دگەل پروژێن روسیا و چینێ كو ب رێیا ئیرانێ دهێنە جێبەجێكرن دناوچێ دا ب راگریت، چونكە هەردوو لایان گرنگی و هەژمون و كاریگەریاخو د دەڤەرێ دا هەیە ئەگەر هەرێما كوردستانێ ب ئاشكەرایی مەیلا خو بو ئەمریكا و روژئاڤا ببەت ئوتماتیكی مەترسی د كەڤیتە سەر هەرێما كوردستانێ ژ رویێ ئابووری و سیاسی و لەشكەری ڤە، چونكە ئێراق روژ ب روژ زێدەتر دكەڤیتە ژێر كونترولا ئیرانێ و ئیران بریكارێ سەرەكی یێ سیاسەتا روسیا و چینێ یە د روژهەلاتا ناڤەراست داو هەژمونا وێ د حوكومرانیا ئێراقێ دا ل گوپیتكێ یە و هەر دەمێ ڤیا وەك نوكە د شێت دەستێوەردانان د ئێراقێ دا بكەت هەم یێن دارایی هەم یێن سیاسی و ئەمنی ئەڤەژی نمونەكا بەرچاڤە كو ئەڤ كێشەیێن نوكە دناڤ بەرا.
هەردوو حكومەتێن ئێراقا فیدرال و هەرێما كوردستانێ دا ئیران ئەگەرە و ل دویڤ بەرژەوەندیێن خو سەرەدەریێ دكەت و هەر بریارەكا د بەرژەوەندیا وێ دابیت ل سەر حكومەتا ئێراقێ د سەپینیت بەرامبەر هەرێما كوردستانێ، دیسان ژ رویێ یاسایی و سیاسی دەستێوەردانێت ئاشكەرا د ئێراقێ دا دكەت ب رێیا دادگەها فیدرالی و پەرلەمانێ ئێراقێ كو زورینەیا پەرلەمانێ ئێراقێ ئەو هێز و لایەنن یێن دبن كونترولا ئیرانێ دا .
ئەگەر ژی هەرێم مەیلا خو بو لایێ روسیا و چینێ ببەت دیسان دێ كەڤیتە ژێر فشار و مەترسیێن ئەمریكا و روژ ئاڤا.
د شێن كومەكافشاران بێخنە سەر هەرێما كوردستانێ مەترسیا نەفتا هەرێمێ یە و دەربازبونا وێ بو دەرڤە و بلوك كرنا پارێن نەفتێ د بانكێن روژئاڤا دا دیسان تا رادەیەكی دشێت فشارێ ل سەر حكومەتا ئێراقێ بكەت كێشا بو پرسێن بودجە و موچەییێن فەرمانبەرێن هەرێمێ چێكەت دیسان دێ وان هاریكاری و پشتەڤانیێن سەربازی و لوجستی و دارایی بو پێشمەرگەی راگرن و دێ رولێ هەرێمێ ژ رویێ سەربازی ڤە ئێخنە ژێر مەترسیێ و هەر لێكدانەكا سەربازی ل دەڤەرێ چێببیت بونمونە وەك هێرشا داعش بو سەر هەرێما كوردستانێ دێ مەترسیێن جددی بو سەر هەرێما كوردستانێ پەیدا بن
دیسان دشێن دەرگەهێن دپلوماسی ل سەر هەرێمێ بگرن یان سنوردار بكەن و گەلەك كارتێن دی یێن كاریگەر ژبەر كو گرنگی یا جوگرافیا هەرێما كوردستانێ و هەبونا یەدەگەكێ زور یێ نەفت و گازا سروشتی (غاز)ێ ل هەرێما كوردستانێ فوكسا روسیا و ئەمریكا و وەلاتێن زلهێزێن جیهانێ ل سەر هەرێما كوردستانێ یە دیسان دكەڤیتە سەر چەندین هێلێن ستراتیژی یێن ڤان هەردوو جەمسەران
ئەڤ هەمی فاكتەرە و چەندین فاكتەرێن دی ئەگەرن كو هەرێماكوردستانێ جهێ بایەخ و گرنگیپێدانێ بیت بەلێ گرنگە هەرێما كوردستانێ ب دپلوماسیەتەكا بهێز و ژیرانە د سیاسەتا خو یا دەرڤە دا بكەت و هەڤسەنگیەكا ناڤەندی دناڤ بەرا هەردوو ئالیێن مە پێشتر بەحس لێ كری چێبكەت ل گور بەرژەوەندیێن نشتیمانی .دیسان گرنگە گوتارا نشتیمانی یا كوردستانی ئێكگرتی بیت ب تایبەت د پەیوەندیێن ناڤدەولەتی دا بەرامبەر ڤان زلهێزێن مە باس لێ كری.
ئەڤ پرسگرێك و كێشەیا بودجە و موچەی دناڤ بەرا هەرێمێ و ئێراقێ دا هەر دەرهاڤێشتەیێن ڤان فاكتەرانە یێن مە بەحس لێ كری و هندی هەرێم د پرسێن ناڤ دەولەتی دا باشتر بەلانسێ خو ب راگریت دێ ئاریشە دگەل ئێراقێ پتر بەرەڤ چارەسەربونێ چن و دهەمان دەم دا ئەگەر هەرێمێ بەلانسێ خو دگەل ئێك ژ وان هەردو بەرایان خورتكر دێ دگەل بەرەیێ دی ب هێز بیت و بەروڤاژی …
