بەرەو تێگەیشتنێکی باشتر لە واقیع

عادل عه‌بدولمه‌هدی‌‌
سەرۆک وەزیرانی پێشوو
((بەناوی خوای بەخشندە و میهرەبان)) 

ژمارە و ڕاستیەکان فەڕزن لەسەر کەسانی ژیردکتۆر عەلی عەللاوی وەزیری دارایی یەکێک لە کەسە ژیر و تێگەیشتووە بەتەمەنەکان عێراقە و ئەو بوێریی و زانستەی هەیە کە وایلێدەکات کەسێکی شیاو بێت لە شوێنی شیاو و لە هەلومەرجی شیاو. 

دکتۆر عەلی عەللاوی کۆمەڵێک چاوپێکەوتنی میدیایی ئەنجامدا، لە خستنەڕووی زانیاریی و ڕەخنەکانی لەو سیاسەتانەی حکومەتە یەک لەدوای یەکەکان و بۆ ئەو قەیرانە داراییەش کە لە ئێستادا عێراق بەدەستیەوە دەناڵێنێت بابەتیانە بووە، کاتێک ئاماژەی بۆ چەند بابەتێک کردووە بەڵام ئێمە باس لە دوو خاڵی سەرەکیی دەکەین : 

أ- نەبوونی پارەی پێویست لەلای دەوڵەت. 

ب- بڕیاری ئۆپیک پڵەس (وڵاتانی ئەندام لە رێکخراوی ئۆپیک و وڵاتانی دیکەی بەرهەمهێنەری نەوت) بۆ کەمکردنەوەی ئاستی بەرهەمهێنانی نەوتی وڵاتان بەمەبەستی بەرزکردنەوەی نرخەکان، کە ئەوەش عێراقی ناچار بە کەمکردنەوەی هەناردەی نەوت کرد. 

ژمارەکان بە سادەیی و وردییەوە شی دەکەینەوە لە پێناو ئاسانی. 

سەرچاوەی سەرجەم ژمارەکانیش بریتین لە بانکی نێودەوڵەتیی و بەیاننامە ڕەسمییەکان، جگە لەو حیساباتە تایبەتانەی ئێمە پێیان هەڵدەستین. 

یەکەم: نەبوونی پارەی پێویست لەلای دەوڵەت:

١. لەوکاتەوەی لە کۆتایی پەنجاکانی سەدەی ڕابردوو بڕیاری ڕادەستکردنی داهاتەکانی نەوتمان بە ئەنجومەنی ئیستیعمار و ناردنی پلەبەندییمان بۆ تەمویلکردنی بودجەی عێراق ڕەتکردەوە، کە لەو کاتەدا بودجە و تەواوی ئابووریی دەوڵەت بوو بە داهاتی نەوت، ئێمە، هەر حکومەت و کەلتوور و ڕای گشتییەک، بەرپرسیارێتیی ئەوە هەڵدەگرین. وێڕای هۆشداریی کەسانی ژیری وڵات، کەوتینە نێو ئەو واقیعە مێژووییەوە، وە وێڕای هەندێ هەوڵی فەرمییش کە هەر زوو بەر لەوەی بەهێز بن لەبار بران.

بەمشێوەیەش پارەکانی وڵات بۆ شتی بێمانا و خشتەی چەوت و جەنگە ناوخۆیی و دەرەکییەکان ڕۆیشتن. 

٢. دوای ساڵی 2003 خەزێنەی دەوڵەت نەک بەتاڵ بوو، بەڵکو قەرزی دەرەکییش زیاتر لە 120 ملیار دۆلار بوو، قەرزی ناوخۆییش دۆخەکەی خراپتر کردبوو. جگە لە قەرزی بانکی مەرکەزی، قەرزە ناوخۆییەکانی دیکە هەڵوەشانەوە، عێراقیش لە دانوستانەکانی یانەی پاریس سەرکەوتوو بوو و بڕی قەرزە دەرەکییەکان بەڕێژەی نزیکەی 90% کەم کرایەوە. 

٣. زۆربەی حکومەتەکان نەک تەنیا پشتیان بە دامەزراندنی خەڵک بەست بۆ کەمکردنەوەی بێکاریی ڕوو لە هەڵکشان، بەڵکو کەرتی پەروەردە و کەرتی تایبەت و مەفهومە کۆمەڵایەتییەکانیش ئەو ئاڕاستەیان وەرگرت. بۆیە لە ساڵی 2004 ژمارەی فەرمانبەران نزیک بوویەوە لە 750 هەزار کەس، ژمارەی خانەنشینانیش بەهەمان شێوە. لەمڕۆشدا ژمارەکان بۆ نزیکەی 8 ملیۆن فەرمانبەر و خانەنشین بەرز بوونەتەوە، واتا پێنج هێندەی ئەو ژمارەیە، ئەوەش جگە لە خەرجییە کارکردن و بەکاربردنە زیادەکان و ئەو خەرجییانەی لەسەر حیسابی گەشەپێدانی ئابووریی نەتەوەیی تەرخان دەکرێن. 

بەپێی ڕاپۆرتی ڕێکخراوە عەرەبییەکان، بەر لەو گۆڕانە، تێکڕای مووچەی مانگانەی تاک نزیکەی 2-3 دۆلار بوو، بەڵام لە ساڵی 2017 بۆ نزیکەی 663 دۆلار بەرز بوویەوە. نرخی نەوتیش لەوکاتەدا 20-30 دۆلار و قەبارەی هەناردەش 2 ملیۆن و 100-500 بەرمیل بوو، وێڕای ئەوەش عێراق هاوشێوەی ئێستا دووچاری سەختی نەبوویەوە لە دابەشکردنی مووچەدا، تەنیا لە قۆناغی ئابلۆقە و سزاکاندا نەبێت، کە چوونە دەرەوەیەکی زۆری نەقدی بەدوادا هات و بووە هۆی داڕووخانی دینار لە دینار/دۆلار بۆ  3000 دینار/دۆلار بە هەژانێکی توندەوە. 

٤. ژمارەکان لەبارەی پارەی بەردەستی حکومەتی ئێستاوە پێچەوانە بوونەوە کاتێک بەرپرسیارێتییەکەی پێدرا.. لە لێدوانەکانی سەرەتادا بەر لەوەی خەزێنە بەتاڵ بێت، دواتر بڕی 700-800  ملیۆن دۆلار کەم بوویەوە.. دواتر کەمتر بوویەوە زیاتر و زیاتر کەم بوویەوە، لەکاتێدا بەڕێز وەزیری دارایی لە کۆتا لێدوانەکانیدا دووپاتی دەکاتەوە کە بڕی پارە 1.3 ترلیۆن دینار (1.1 ملیار دۆلارە). هەموان کۆکن لەسەر ئەوەی کە بەهۆی پشت بەستنی ئەو ئابوورییە و و خەرجییانەی دەوڵەت لەسەر داهاتەکانی نەوت کە بە داڕمانی نرخەکانی نەوت داڕمان، داڕمان لە داهاتەکانی دەوڵەت لەئارادایە، بەهەمان شێوە بەهۆی زیادبوونی خەرجییەکان لەسایەی ئەو سیاسەتە چەوتانەی کە بەهۆی هەوڵی بەرپەرچ دانەوەی وەک ئەرکێکی مێژوویی تووشی بەرەنگاریی سەخت بوویەوە، هەروەها بەهۆی جوڵانەوە ناڕەزاییەکان و کۆرۆناشەوە وەک هۆکارێکی بەربڵاو.
 
با ڕۆڵی حکومەتی پێشوو لە دوو قۆناغەوە وەرگرین:

١. لە ماوەی ساڵی 2019، بێ باسکردنی کۆتا 68 ڕۆژ لە ساڵی 2018:

بودجەی عێراق لە ساڵی 2018 تا 2019 بڕی 7.759 ترلیۆن دینار (6.564 ملیار دۆلار) کەمی کرد. ڕاستە ئەوەی حکومەتی ئێستا لە حکومەتی ڕابردووی وەرگرت لە ئایاری ساڵی 2020 لەو بڕە کەمترە، ئەوەش دوای داڕمانی نرخەکانی نەوت لە سەرەتای ئەو ساڵە و خۆپیشاندانەکان و پڕکردنەوەی پێداویستییەکان، بەداخەوە. واتا حکومەتەکانی پێشووش هاوشێوەی حکومەتی ئێستا بەدەست زۆری خەرجییەکان و کەمی داهاتەکانەوە دەیانناڵاند. لەکۆتاییەکانی ساڵی 2019، لەکاتێکدا ئابووریی عێراق گەشەسەندنێکی بەخۆوە بینی لەماوەی ساڵی 2019، ئەوەش وێڕای کەمبوونەوەی نرخی نەوت بۆ تێکڕای 61.1 دۆلار بۆ هەر بەرمیلێك لەو ساڵەدا، لەکاتێدا نرخی نەوت لە ساڵی 2018 بڕی 65.5 دۆلار بوو بۆ هەر بەرمیلێک، واتا بە جیاوازیی 4.4 دۆلار. 

ئەوەش خۆی لە خۆیدا بە واتای داکشانێک دێت لە توانا داراییەکان کە بڕەکەی 5.584 ملیار دۆلارە بەپێی هەناردەی کرداریی نەوت کە بڕی هەناردەی لە ساڵی 2019 گەیشتە 3.540 ملیۆن بەرمیلی ڕۆژانە، ئەوەش بە بەراورد لەگەڵ هەناردەی 3.5 ملیۆن بەرمیلی ڕۆژانە لە ساڵی 2018، بەڵام داهاتە نەوتییەکان و بەخشین لە نزیکەی 90 ملیار دۆلارەوە لە ساڵی 2018دا بۆ 91 ملیار دۆلار لە ساڵی 2019 بەرز بوویەوە.

ئەوەش جگە لە داواکاریی و خەرجییە بەردەوام ڕوو لە هەڵکشانەکان بەهۆی داواکاریی و خۆپیشاندانەکان بەتایبەتی لە چارەکی کۆتایی ساڵی 2020 و سەرەتاکانی ساڵی 2020 و زیادبوونی بودجەی حەشدی شەعبی و هاوتابوونیان لەگەڵ هێزەکانی دیکە، هەروەها ناردنی بەشە بودجەی کوردستان بەپێی نەوتی ڕادەستکراو، ئەوەش بەپێی یاسای بودجەی ساڵی 2019، هەروەها دانەوەی بڕێکی زۆری قەرز و شایستە داراییەکان، وەک ئەوەی لە خوارەوە ئاماژەی پێدراوە. 

ساڵی 2019 بەهۆی بەرەوپێشچوونی بەخۆوە بینی لەڕووی تێکڕای داهاتی تاک لە تێکڕای داهاتی نەتەوەیی و لەو ساڵەدا گەیشتە 5841 دۆلار بۆ هەر تاکێک، دوای ئەوەی لە ساڵی 2018دا بڕی 5641 دۆلار بوو بۆ هەر تاکێک، ئەوەش بەپێی بانکی نێودەوڵەتی. 

ئەوەش ئاماژەیە بۆ هێڵێکی هەڵکشاوی بەرەوپێشچوون کە لە ساڵانی 2018 و 2019 دەستی پێکرد دوای تێپەڕاندنی قەیرانی دارایی لە ساڵی 2014-2015 و جەنگی دژی داعش و قۆناغی گەشەسەندن و بوژانەوەی هەستپێکراو دەستی پێکرد. 

بەرزبوونەوەی یەدەگی بانکی ناوەندی لە کۆتایی ساڵی 2019 و چارەکی یەکەمی ساڵی 2020 بۆ 67.6 ملیار دۆلار بە بەراورد بە 64.3 ملیار دۆلار لە کۆتایی ساڵی 2018. 

کۆکردنەوەی نزیکەی یەک ملیار دۆلار لە سندوقی وەبەرهێنانی چینی/عێراقی، بۆیە حکومەت بڕێکی زۆری بۆ پڕکردنەوەی هەندێ کورتهێنان لە بودجە کێشایەوە. 
ئەو سندوقەش دەرفەتێکی گرنگە بۆ دانانی نەوت لە خزمەتی بنیاتنانەوە و دەرچوون لە ئابووریی شلۆق، ئەوەش ئەو شتەیە کە نامانەوێ درێژی بکێشێت. 

•  لە وەرزی دوورینەوەی ساڵی 2019 و 2020 خەزێنەیەکی گەورەی دانەوێڵە و گەنم و برنج و سەوزەوات و سامانی ئاژەڵی بەردەست بوو کە نزیک بوو لە ئاستی پڕکردنەوەی پێداویستیی ناوخۆ، ئەوەش تێچوویەکی زۆری لە هاوردەکان کەم کردەوە، لە ڕابردوو و ئێستاشدا یارمەتی عێراقی داوە و دەدات لە کاتی بڵاوبوونەوەی ڤایرۆسی کۆرۆنا لە ڕێگرتن لە بەرزبوونەوەی نرخەکان، کاڵای پێویستیشی لە بازاڕ بەردەست کرد. ئەوەش دەرچەیەکی گرنگ بوو لە پەرەپێدانی کەرتە ڕاستەقینەکان و کەمکردنەوەی پشت بەستن بە نەوت، لەوە دەچێت حکومەتی ئێستاش سوور بێت لەسەر درێژەپێدانی ئەو ڕێبازە، ئێمەش هەر هیوای ئەوە دەخوازین. زیادکردنی بەردەستکردنی یەدەگێکی گەورەی ئاوی کە بڕەکەی زیاترە لە 50 ملیار مەتری چوارگۆشە دوای وەبەرهێنانی گونجاو لە باران و پارەکانی ساڵی 2019 لە هاوکار دەبێت لە ڕووبەڕووبوونەوەی کەمیی ئاو لە وشکەساڵی ساڵانی داهاتوو. 

وزەی کارەبا لە هاوینی ساڵی 2020 بەڕێژەی 23% زیادی کرد بە بەراورد بە هاوینی ساڵی 2018. کاتژمێرەکانی بڕینی کارەباش لە ساڵانی دیکە کەمتر بوون. بەڵام هەندێ کەمبوونەوەی بەخۆوە بینی لە ساڵی 2020، بەڵام ئاڕاستەیەکی باش هەیە بۆ کەمکردنەوەی ترسی هاووڵاتییان لە هاوینی ساڵی 2021. 

پشتبەستنی زیادبوو بە دراوی نیشتیمانی لە ساڵی 2019، کاتێک بەپێی ڕاپۆرتی بانکی نێودەوڵەتی، بەڕێژەی 8% بەرز بوویەوە بە بەراورد بە ساڵی 2018، لەگەڵ کۆتایی ساڵی 2019ش، بەنیشتیمانیکردنی مووچەکان بەڕێژەی زیاتر لە 30% زیادی کرد، لەکاتێدا ڕێژەی مەبەست 15% بوو، ڕێژەی دراوی بیانیی کەم دەکاتەوە و یارمەتی بڵاوبوونەوەی عادەتی بانکی و ڕزگاربوون لە ئابووریی دراوە کاغەزییەکان دەدات. دکتۆر عەللاویش دووپاتی کردەوە کە ئەمڕۆ ڕێژەی بەنیشتیمانیکردن بەڕێژەی 40% زیادیکردووە، ئەو کارەش بە ئاڕاستەی درووستە. 

بەشداریی کەرتە نانەوتییەکان لە تێکڕای بەرهەمی ناوخۆیی بەڕێژەی 4.9% زیادی کرد لە ساڵی 2019دا بە بەراورد بە ساڵی 2018، ئەوەش بە تەنیا 11.47 ملیار دۆلاری خستە سەر ئابووریی نەتەوەیی. 

کەمبوونەوەی کۆی بڕی قەرزەکان لە 115.2 ملیار دۆلار لە ساڵی 2017 بۆ 110.4 ملیار دۆلار لە ساڵی 2018 و 104.4 ملیار دۆلار لە ساڵی 2019. کەمکردنەوەی قەرزی دەرەکییش لە 69.5 ملیار دۆلار لە ساڵی 2017 و 59 ملیار دۆلار لە ساڵی 2018 بۆ 54 ملیار دۆلار لە ساڵی 2020، ئەو جیاوازیی و ئاراستانەش گرنگن لە هاوکاریکردنی بودجە و ئابووریی.. و شتانی زۆر زیاتر وەک دانەوەی بڕێکی زۆر لە شایستە داراییەکان چارەسەرکردنی کێشەکانی رێگاوبان، کە یارمەتی دەستپێکردنەوەی چالاکیی زۆری دا لە کەرتە نانەوتییەکان و دەستپێکردنەوەی سەدان پڕۆژەی ڕێگاوبان و بەگەڕخستنی سەدان ملیار دۆلار و گەڕانەوەی هەزاران بێکار بۆ سەر کار. 

٢. لەماوەی پێنج مانگی ساڵی 2020:

بەپێی لێدوانی ئەم دواییەی بەڕێز وەزیری دارایی، جیاوازیی نێوان ئەوەی لە ساڵی 2018 هەڵسوڕاوە و لە نیسانی ساڵی 2020 وەرگیراوە نزیکەی 5.4 ملیار دۆلارە، ئەوەشی لەژێر دەستی حکومەت بەجێهێڵراوە، لەڕێی یەدەگەکانی ئابووریی نەتەوەیی و ئەوەی دراوەتەوە قەرزەکان و بەگەڕ خراوە لە کەرتە ڕاستەقینەکانی دەرەوەی بازنەی نەوت و دۆلار، دەبێت وەبەرهێنانی تێدا بکرێت و دەشتوانرێت. ئەوەش بە مەبەستی ڕووبەڕووبوونەوەی ئەو گوشار و کاریگەرییە نەرێنییانەی کە هەموانی کۆک کردووە لەسەر ئەوەی کە ئەو یەدەگە یەکلاکەرەوەیە، وەک ئەوەی بەڕێز وەزیری داراییش دوپاتی دەکاتەوە، ئەوانەش هەندێ ئاماژەیانن:

داڕمانی نرخەکان و گەیشتنی بە 17 دۆلار بۆ ماوەیەک لە چارەکی یەکەمی ساڵی 2020، کە دوای ڕێکارەکانی کەمکردنەوەی لەلایەن ئۆپیک پڵەس لەمساڵدا، لە ئێستادا لە نزیکەی 40 دۆلار جێگیر بووە. بەرپرسی ئەوەش ئابووریی شلۆقە لەسەر حیسابی ئابووریی ڕاستەقینە لەلایەک و، زیادبوونی بەردەوامی خەرجییەکان لەلایەکی دیکەوە، کە بەرپرس و یاسادانەر و کولتورێکێ دەستەجەمعی بۆ سنوور بۆ دانانی نابینین. 

گوشارەکان بەهۆی ناڕەزایی و خۆپیشاندانەکان لە تشرینی یەکەمی ساڵی 2019ەوە کە تێیدا هەموان داوای دادپەروەرییان کرد، گرنگترینیشیان دامەزراندن و چاککردنی مووچەکان، بەداخەوە. وێڕای ئەو زیانانەی هێنای، کە هەڕەشەی لە زۆرێک لە بەرژەوەندیی و کارەکان کرد و ڕایگرتن و زیانی لەدەستدانی دەرفەتەکان و ڕاگرتنی بەرژەوەندیی و وێرانکردنی موڵکەکان.

ئەو ڤایرۆسی کۆرۆنایەی کە لە سەرەتای ساڵی 2020 بڵاوبوویەوە و بووە هۆی ڕاگرتنی پڕۆژەکان و ژیانی خەڵک و لەنێویاندا پەکخستنی ئابووریی. ژمارەی مردووان بەهۆی ڤایرۆسەکەوە لە 10/10/2020 گەیشتە 9790 کەس. مەحاڵە هیچ حکومەتێکیش بەبێ هاوکاری گەل و کۆمەڵگا بتوانێت ئەو بارەی کۆرۆنا سوک بکات کە ئەمڕۆ هاوشێوەی زۆرینەی وڵاتان تووشی عێراق بۆتەوە و لە پلەی پانزەهەم دێت لەسەر ئاستی جیهاندا و پلەی یەکەم لەسەر ئاستی وڵاتانی عەرەبیدا. 

 دووەم: رێککەوتنی ئۆپیک پڵەس بۆ کەمکردنەوەی بەرهەمهێنان 

١. بە تێکڕای هەناردەی ئێستا، کەمبونەوەی یەک دۆلار لە نرخی نەوت بەڕێژەی 0.14% کاردەکاتە سەر تێکڕای داهاتی ناوخۆ جا بەشێوەیەکی نەرێنی یان ئەرێنی بێت. هەمووانیش دەزانن بە بەردەوامبوونی کەمبوونەوەی نرخەکانی نەوت بەدرێژایی چارەکی یەکەمی ساڵی 2020 تا لە 2ی نیسان گەیشتە کەمتر لە 17 دۆلار بۆ هەر بەرمیلێك. زۆرینەی وڵاتانیش بۆ بەتاڵ بوونی عەمبارەکان و نائومێدیی لە عەمباری زیاتر نەوتەکانیان بە زەرەر فرۆشت. تەنانەت سەبارەت بە وڵاتانی وەک عێراق و سعودیە و کوێت کە بە کەمکردنەوەی تێچووی بەرهەمهێنان ناسراون، بەزەحمەت دەیانتوانی تێچووی بەرهەمهێنان بدەن. 

٢. بە نرخی 17 دۆلار بۆ هەر بەرمیلێك، داهاتی ساڵانەی عێراق لە 21.9 ملیار دۆلار (1.825 ملیار دۆلاری مانگانە) تێپەڕی نەدەکرد بەبێ حیساب کردنی تێچووەکان، تەنانەت ئەگەر تەواوی ئەو بڕەشی هەناردە بکردایە کە لە بودجە دانراوە، واتا 3.540 ملیۆن بەرمیلی ڕۆژانە. ئەوەش بەڕێژەیەکی بەرچاو کەمترە لەو داهاتەی دەستی دەکەوێت لەو بڕە هەناردەی دوای کەمکردنەوەی بەرهەمهێنان لەلایەن ئۆپیک پڵەس دەستی دەکەوێت. ئەگەر ئەیلولی ڕابردوو وەرگرین، بەپێی ڕاپۆرتی کۆمپانیای سۆمۆ بڕی هەناردە 2.613 ملیۆن بەرمیلی ڕۆژانە بووە، داهاتەکەش 3.167 ملیار دۆلار بووە بەبێ حیساب کردنی تێچوونەکان و بە تێکڕای نرخەکەش 40.407 دۆلار بووە بۆ هەر بەرمیلێک. 

٣. عێراق بەرەنگاری هەموو ئەو گوشارانە بوویەوە کە لەسەری بوو بۆ پابەندبوون بە بڕی پێبڕاوی پێشووی. لە  16/2/2016 و لەکاتی ئەو گفتوگۆیانەی لە تاران لەلایەن وەزیرانی نەوتی عێراق و ئێران و ڤەنزوێلا و قەتەڕ بەڕێوەچوو، عێراق پەیمانی یەکگرتنی نێوان سعودیە و ڕووسیا و قەتەڕ و ڤەنزوێلای ڕەتکردەوە. دوای ئەو هەڵوێستەشی بە چەند مانگێکی کەم پەشیمان بوویەوە بە قەبووڵکردنی ئەو ڕێکارەی ئۆپیک و ڕووسیا بۆ کەمکردنەوەی ئاستی بەرهەمهێنان ئەنجامیان دا. بەڵام لەگەڵ ئەو قەیرانە نەوتییەی کۆتایی لە ساڵی 2019-2020، زۆربەی وڵاتانی دیکە لۆمەی هەڵوێستی عێراقیان کرد کە پابەند نەبووە بەو ڕێککەوتنەی لەگەڵ ئۆپیک پڵەس کردوویەتی. 

دوای ئەوەی بازاڕەکان بە نەوت پڕبوون، سۆمۆ سکالای کرد لەوەی ئەو کۆمپانیا و پاڵاوگانەی ڕێککەوتنیان لەگەڵ عێراق هەیە واز لە گرێبەستەکانیان دێنن بەهۆی ئەوەی گەشەسەندنی ئابووریی لەسەر ئاستی جیهاندا نییە و عەمباری پێویستیان لەبەردەست نییە، هەروەها ئەگەر پارەی زیاتریان پێ درابووایە زیاتر وەک لەوەی عێراق پێی دەدان. لە کۆبوونەوەی نیسانی ساڵی 2020 بۆ دیاریکردنی نرخ، وەزارەتی نەوت پابەند بوو بە ڕێکارەکانی سعودیە لەبارەی کەمبوونەوەی نرخەکان و بەمەبەستی پاراستنی گرێبەست و بازاڕەکانی. کێشەکە ئەو بڕیارە نییە کە عێراق دەیدات بۆ هەناردە کردن بەو شێوەیەی دەیەوێت، بەڵکو ئەوەیە بازاڕ بازاڕی کڕیارانە نەک فرۆشیاران
 
٤. هیچ لایەنێک ڕێگریی لە حکومەت ناکات واز لە ڕێککەوتنی ئۆپیک پڵەس بهێنێت و تێکڕای هەناردەکردنی پێشووی 3.540 ملیۆن بەرمیلی ڕۆژانەی باشوور 3.850ی تەواوی عیراق ڕابگەیەنێتەوە، جگە لە ڕەچاوکردنی داڕمانی نرخەکان و هەڵگرتنی بەرپرسیارێتی نێودەوڵەتیی وێڕای ناوخۆیی. بە تێکڕای هەناردەی ئێستای ڕۆژانە (2.6 ملیۆن بەرمیلی ڕۆژانە) واتا کەمبوونەوەی داهاتەکان بە تێکڕای 2.6 ملیۆن دۆلار. بۆ قەرەبووکردنەوەی یەک دۆلار کەمبوونەوەش پێویستە بڕی 65 هەزار بەرمیلی ڕۆژانە زیاد بکرێت ئەگەر نرخەکان لە 40 دۆلار بۆ هەر بەرمیلێك بمێننەوە.

وەرگێڕان: محەمەد ڕەحمان فەیزوڵڵا


ئەم وتارە دەربڕ لە ڕای نوسەر دەکات

AM:01:34:14/10/2020



ئه‌م بابه‌ته 1225 جار خوێنراوه‌ته‌وه‌‌

وتارەکانی تری نوسەر