کۆتای هەژموونی ڕووسیاو دەسپێکی هەژموونی ئەمریکا لەئەوروپا

ڕێبوار محەمەد
نوسەر و توێژەر لە بواری نەوت

"سەرەتای کۆتای هەژموونی ڕووسیاو سەرەتای دەسپێکی هەژموونی ئەمریکا لەئەوروپا"


ئامانجی پشت جەنگی ئۆکرانیا کۆتایهاتنی هەژموونی وزەی ڕووسیایە  بەتایبەت بەسەر ئەوروپا و بەگشتی ڕۆژهەڵاتی ناوەڕاست وئەوروپا و دوورخستنەوەی ڕووسیا بەرەو چین و باکوری ئاسیا.

دوای دەست پێکردنی جەنگی ئۆکراین بەخێرایی دوورخستنەوەی ڕووسیا دەستی پێکرد کە ٤٠٪ وزەی ئەوروپای دابین دەکرد لەنەوت وغاز. کەهەنگاوەکان بریتی بوون لە:

١- کارپێنەکردنی هێڵی ستریم ٢ بۆگواستنەوەی غاز بۆئەڵمانیا.

٢- کەمکردنەوەی هاوردەی نەوتی ڕووسی.

٣- ڕووسیا وەک پەرچەکردار قۆناغ بەقۆنا لەمانگەکانی ٦،٧،٧ی ئەم ساڵ کۆتایی هێنا بەهەناردەی غاز لەهێڵی ستریم ١ بۆئەڵمانیا.

٤- وابڕیارە لە ٥/١٢/٢٠٢٢ یەکێتی ئەوروپا کۆتایی بەهاوردەی  نەوتی ڕووسی بکات و هەژموون ڕووسیا بەسەر ئەوروپاوە نەهێڵێت.

٥- چەندین گەمارۆی ئابوری ودارایی خرایە سەر ڕووسیا.

قۆناغەکانی نەزمی نوێی نەوت و غازی جیهای دەستی پێکردوو و نوچەکانی هەژموونی هێزەگەورەکان ودەردەکەوێت.

ڕووسیا وردە وردە لەپاشەکشەیە دایە چ لەبەرەی جەنگ لەئۆکراین ئامانجەکەی نەپێکاو هەندێ شوێنیش لێ سەنرایەوە و لەبەرەی جەنگی وزەش واتێگەش کە پێویستە سوکانەکەی بەرو شوێنی بۆدیاری کراو ئاراستە بکات ئەوەتا  وەزیری وزەی ڕووسیا دەڵێت:

ـ هێزی سیبریا 2 بۆری بۆ گواستنەوەی غاز بۆ چین جێگەی نۆرد ستریم 2 ی ئەڵمانیا و ئەوروپا دەگرێتەوە

ـ ڕێکەوتنێک لەگەڵ چین واژۆ دەکەین بۆ هەناردەکردنی 50 ملیار مەتر سێجا غازی ساڵانە لە ڕێگەی هێڵی بۆری "هێزی سیبریا 2"

ـ ئەڵمانیا کۆنترۆڵی ئۆپەراسیۆنەکانی بەشی ئەڵمانی کۆمپانیای ڕۆسنەفتی ڕووسی دەکات کە چەندین پاڵاوگە بەڕێوەدەبات لەو وڵاتە

ـ ئەڵمانیا ڕایگەیاندووە، کە دەست بەسەر پشکی سێ پاڵاوگەی کۆمپانیاکەدا دەگرێت، بە ئامانجی زامنکردنی ئۆپەراسیۆنی پاڵاوگەکان و دابینکردنی وزە.

لەلایەکی ترەو ئەوروپا دەیانەوێت نرخی  دیاری کراو بۆ کڕینی وزەی ڕووسی  دیاری بکەن کەئەمەش  زیانی ئابوری بەڕووسیا دەگەیەنێت.
 
پەیوەست بەهەرێمی کوردستان:

پێوستە هەرێمی کوردستان بەباشی لەئەنجامی ئەم یاریە نیودەوڵەتیە بگات و ئاگای لەئایندەوچارەنووسی ئەم ناوچەبێت کەدەکەوێتە ژێر هەژموونی ئەمریکاوە بەتەواوی پێویستە لەئێستاو لەئایندە کورد خۆی بۆهەموو ئەگەرگۆڕانکاریەکان ئامادەبکات و ئەنجامی ئەم یاریە بەقازانجی کورد بکەوێتەوە بەپێچەوانەوە تێنەگەیشتن لەهەنگاوو قۆناغ و ئەنجامەکەی بەمەترسی دەشکێتەوە.

ئەم وتارە دید و بۆچونی تایبەتی نووسەرەکەیەتی

PM:08:43:17/09/2022



ئه‌م بابه‌ته 123 جار خوێنراوه‌ته‌وه‌‌