ڕێکەوتنی ئیسرائیل ئیمارات مەترسییە لەسەر کوردستان

ڕێبوار محەمەد
نوسەر و توێژەر لە بواری نەوت
ڕێکەوتنی ئیسرائیل ـــ ئیمارات چارەنووسی نەوتی هەرێمی کوردستان دەخاتە مەترسی یەوە.

لەئێستادا ئیماراتی عەرەبی یەکگرتوو وەکو سێ هەمین دەوڵەتی عەرەبی پەیوەندیەکانی لەگەڵ ئیسرائیل ئاسایی کردوە بەمەبەستی بەهێزکردنی پێگەی ئابوری وسەربازی وسیاسی خۆی لەناوچەکە بەرامبەر بەئێران وپاراستنی کێڵەگە نەوتی یەکانی  لەهێرشی ئێران بەهۆی وەرگرتنی تەکنۆلۆجیای سەربازی بەهێز بۆ پاراستنی کێڵەگە نەوتی یەکان. 

لەکاتێکدا ئیمارات ناڕاستۆخۆ لەجەنگدایە لەگەڵ تورکیا بەهۆی یارمەتیدانی سوپای نیشتمانی لیبیا بە سەرۆکایەتی مشیر خەلیفە حەفتەر  دژی هەژموونی تورکیا لەناوچەکە.

ئەم ڕێکەوتنە ڕەهەندی زۆرە و تەنانەت ترامپی سەرۆکی ئەمریکا وەکو کارتێک بەکاری دێنێت بۆ مسۆگەرکردنەوەی سەرۆکایەتی بۆچوارساڵی ئایندە.

ڕۆڵی نەوت لە ڕێکەوتنەکەی نێوان ئیسرائیل ـــ ئیمارات بەدڵنیای یەوە نەوت یەکێکە لە خاڵەگرنگەکانی ڕێکەوتنەکە بۆ هەردولا کە بەم شێوەیە .
 
یەکەم - ئیسرائیل.

ئیسرائیل ڕۆژانە پێویستی بە ٢٤٩ هەزار بەرمیل نەوت هەیە و خۆی تەنها نزیکەی شەش هەزاربەرمیل بەرهەم دێنی و ئەویتری لەهەرێمی کوردستان و ڕووسیاو ....هتد هاوردەدەکات.

دووەم - ئیماراتی. 

بەم ڕێکەوتنە ئیمارات دەتوانێت ئەوبڕە نەوتە هەناردە بکات بۆ ئیسرائیل  سودی ئابوری لێوەرگرێت بۆ ئیسرائیلیش سودەکەی ئەوەیە خەرجی گواستنەوەی بۆدەگڕێتەوە و لەژێرهەژموونی کڕینی نەوتی ڕووسی ڕزگاری دەبێت. 

مەترسی ئەم ڕێکەوتنە بۆسەر هەرێمی کوردستان چی یە ؟

جۆرجیۆ کافیرۆ سەرۆکی جێبەجێکاری کۆمپانیای گەڵف ستەیت ئاناڵەتیکس بەئاژانسی ئەنادۆڵی ڕاگەیاند کەوا هاوردەکردنی نەوت لەداهاتوو لە هەرێمی کوردستانەوە بۆ ئیسرائیل توشی تەنگەژەو ڕێگیری قورس و زۆر  دەبێتەوە لەوانە.

یەکەم - ئێران. بەهۆی هەژموون و دەسەڵاتی ئێران لەعێراق و پەیوەندی دوژمنانەی ئیران و ئیسرائیل.

دووەم ـــ  تورکیا. بەهۆی پەیوەندی ئاڵۆزی ئیسرائیل و تورکیاو تێ پەڕینی بۆری نەوتی کوردستان بەتورکیادا و لەئەنجامی توندبوونی زیاتری پەیوەندیەکانی هەردوولا تورکیا کێشە بۆ هەناردنی نەوتی کوردستان دەکات بۆ ئیسرائیل.

هەروەها ڕێکەوتنی ئیسرائیل ـــ ئیمارات لە بواری وزدا بەشێوەیەکی فراوان جێگەی گرتوە لەڕێکەوتنەکەو سودی هەردوولای تیادایە ویەکێ لەوانە پرۆژەی مید ئیستە.
بەبۆچونی من پێویستە  حکومەتی هەرێمی کوردستان پلانێکی گونجاوی هەبێت بۆ ڕووبەڕووبونەوەی ئەم ڕوداوانەی کە لەئایندە ڕوودەدەن کەهەرلەباکوری ئەفریقاوە بۆ وڵاتانی دەوروبەری دەریای سپی ناوەڕاست و بێتەوە بۆ ئێران و وڵاتانی کەنداوی عەرەبی کە بە قۆناغێکی کۆڵانی جەنگدا تێدەپەڕێت و لەئەگەر هەر ڕووداوێکیش کاریگەری لەسەر هەرێم دەبێت. 

پێویستە هەرێم ئەم هەنگاوانە بگرێتەبەر:

یەکەم - پەیوەندیەکانی لەگەڵ هەموولایەک ڕێک بخات بەپێی بەرژەوەندی خەڵکی کوردستان و نەبینە لایەنگری لایەک وباجەکەی بدەین.

دووەم - ڕێکەوتن لەعێراق لە دۆسیەی نەوت بەپێی دەستور.

سێ یەم - چاکسازی ئابوری، هەوڵبدات هەمووکەرتەکانی تر لەڕێگای وەبەڕهێنانەوە ببوژێنێتەوەو چەندین سەرچاوەی داهات بۆهەرێم زیادبکات وتەنها نەوت نەبێت.
 
چوارەم - چاکسازی دارایی و یاسای و شەفافیەت لەداهاتەکانی ناوخۆو گۆمرگەکان.

پێنجەم -  پێداچونەوە بە پەیکەری حکومەتی هەرێم و بەپێی پێویستی و توانای ئابوری وەزارەتەکان  دروست بکات.

شەشەم - جێبەجێکردنی یاسای چاکسازی. 
 
لەکۆتایدا ئەوەدەڵێم ئەگەر حکومەتی هەرێم بەم شێوە دەستەوەستان دانیشێت و هیچ پلانێکی نەبێت ئەوا هەرگۆڕانکاریەک ڕووبدات وەکو جەنگی نرخی نەوتی نێوان سعودیە وڕوسیا  توشی قەیران وکارەساتی گەورەتر دەبین ،هیوادارم حکومەت هەستێت بەئەرکی سەرشانی خۆی


ئەم وتارە دید و بۆچونی تایبەتی نووسەرەکەیەتی

PM:07:57:14/09/2020



ئه‌م بابه‌ته 883 جار خوێنراوه‌ته‌وه‌‌