ئێک رێزی یان بێ رێزی!

ڕاگر شکرى بابیرى
نووسەر

ئێراق و کوردستان د رەوشکا ئالوز و مەترسیدار یا سیاسی و ئەمنی و لەشکەری دا دەرباز دبیت.

یا گرنگە ئەم وەک ھەرێما کوردستانێ ب ئێک دەنگ و ب ئێک رەنگ ل بەغدا کار ژبو ب دەست ڤە ئینانا ماف و داخوازیێن خەلکێ کوردستانێ بکەین.
 
گەلەک یا گرنگە ھێزێن کوردستانی خو رێکبێخن و ئێک ھەلویست بن و ناکوکیێن ناڤخویی ب دەنە لایەکی و ب پێک ڤە ب ھەلویستەکێ کوردستانی ل بەغدا بین دا سەنگ و ھێزا مە ببیتە فاکتەر ژبو ب دەستڤە ئینانا مافێن خەلکێ کوردستانێ. 

پارتی دیموکراتی کوردستان ھیچ جارەکێ درێغی ل ماف و دەستکەفت و داخوازیێن خەلکی نەکریە و پارتی ژ پێخەمەت خەلکێ کوردستانێ ل بە غدا یە و دڤێت ب سەنگ ل بەغدا ب مینیت بو ڤێ قوناغێ، لەورا بەپرسیارەتی و گڤاشتن و ھێرشێن نە رەوا ل سەر پارتی دیموکراتی کوردستان د زورن.
 
لێ پارتی دیموکراتی کوردستان و سەروکاتیا پارتی دیموکراتی کوردستان تنێ فوکسا خو ددانیتە سەر پاراستنا ئەزمونا ھەرێما کوردستانێ و پاراستن و دابینکرنا ژین و ژیارا خەلکێ کوردستانێ ... 

لەورا یا ئاسایی یە ھێرشێن نە رەوا یێن میدیایی و  شەرێ دەرونی دگەل خەلکێ کوردستانێ و ئەندام و لایەنگرێن پارتی دیموکراتی کوردستان دھێتە ئەنجامدان ب پلانێن دارشتی. 

لێ پارتی دیموکراتی کوردستان تێرا وێ چەندێ ھەیە ب دەستەکی خزمەتا خەلکێ کوردستانێ بکەت و ب دەست دی ژ مەترسی و ھەربویەرەکا نەچاڤرێکری ب پارێزیت.

دوپات دکەین کو پارتی دیموکراتی کوردستان ھەمی دەما دەستپێشخەر بویە و رێخوشکەرە ژ بو ئێکرێزی و ئێکگرتنا ناڤ مالا کوردی و زور جاران پارتی ل مافێن خو خوش بویە ژبو لایەنێن دی یێن کوردستانی ژ پێخەمەت ئێکرێزیا ناڤ مالا کوردی و دێ یا بەردەوام بیت ژی ل سەر ھەلویستێن خو یێن نشتیمانی لێ چ جارەکی پارتی نە خیانەتێ دکەت و نە خیانەتێ ژ چ کەس و لایەنان قەبیل دکەت. 

لەورا ئەم دبێژین ب ئێکرێزی یێ دێ ئەڤ رەوشە ھێتە باشتر کرن نەک ب بێ رێزی و ھەڤدو شکاندنێ.

ئەم وتارە دید و بۆچونی تایبەتی نووسەرەکەیەتی

PM:02:11:07/05/2022



ئه‌م بابه‌ته 151 جار خوێنراوه‌ته‌وه‌‌