ئێستا و ئایندەى میدیاى کوردى چۆن؟ بەرەو کوێ؟

AM:09:26:26/04/2019
دۆسیە: پانێل


بۆردی ئه‌كادیمی ناوه‌ندی چاوی كورد
بۆردی ئه‌كادیمی ناوه‌ندی چاوی كورد

ناوەندى چاوى کورد بۆ پەرەپێدانى سیاسی بە هەماهەنگى لەگەڵ لقی هەڵەبجەى سەندیکاى ڕۆژنامە نووسانى کوردستان، ڕۆژى چوار شەممە بەروارى ٢٠١٩/٤/٢٤ لە هۆڵى کتێبخانى گشتى پارێزگاى هەڵەبجەى شەهید ۆرک شۆپێک سازدەکات.

 

ڕۆژى چوارشەممە لە هۆڵى کتێبخلنەى گشتى پارێزگاى هەڵەبجەى شەهید، بائامادەبوومى ژمارەیەکى زۆر لە ڕۆژنامەنووسانى ئەو شارە، و بە هەمانهەنگى لەگەڵ لقی هەڵەبجەى سەندیکاى ڕۆژنامەنووسانى کوردستان، ۆرک شۆپێکى بۆ بەڕێز "دکتۆرە نەزاکەت حسێن" سازکرد لەژێر ناونیشانى " ئێستاو ئایندەى میدیای کوردى چۆن؟ بەرەو کوێ"، لەو ۆرک شۆپە چەوار تەوەرى سەرەکى باسی لێوەکرا:

 

تەوەرى یەکەم: بریتی بوو لە ناساندنى ناوەندى چاوى کورد بۆ پەرەپێدانى سیاسی بەو ڕۆژنامە نوسانەى کە ئامادەى چالاکییەکە بوون، تیایدا "مەشخەڵ کەوڵۆسی" سەرۆکى ناوەندى چاوى کورد بە وردى باسی لە کارو چالاکییەکانى ناوەند و ئامانج و ڕۆڵى ناوەندەکە کرد، هەروەها شیکردنەوەیەکى تەواوى بۆ سەرجەم بەشەکانى سایدەکە کرا وهەروەها داوا لە ڕۆژنامەنووسان کرا کە ئەو ناوەندە بە ناوەندى خۆین بزانن و بە بەرهەمەکانیان دەوڵەمەندى بکەن.

 

تەوەرى دووەم: لە لایەن بەڕێز " دکتۆرە نەزاکەت حسێن" ەوە بە وردى وەسفى بارودۆخى میدیاى ئێستاى هەرێمى کوردستان کرا، بەسەرجەم کارە ئەرێنى و نەرێنییەکانى دەزگاکانى ڕاگەیاندن لە هەرێمى کوردستاندا، لە پاش تەواو بوونى ئەم تەوەرە دەرگاى گفتوگۆ کراوە بۆ ڕۆژنامەنووسانى هەڵەبجەى شەهید وبەڕێزانى ئامادەبوو بەهەمانشێوە چەندین پرسی دیکەیان سەبارەت بە ڕۆڵى میدیا لەم کاتەى ئێستادا خستەڕوو.

 

تەوەرى سێیەم: تایبەت کرابوو بە بەربەستەکانى بەردەم میدیاى کوردى و ئەو گرفتانەى کە ڕووبەڕووى میدیاکاران دەبنەوە، هەروەها لەو تەوەرەدا میدیاکاران بەهەمان شێوە باسیان لە گرفت ڕۆژانەکانى بەردەمیان کرد و پێکەوە باس لە یاساى ڕۆژنامەگەرى و ئاستەنگەکانى بەرەدەم میدیاکاران کە تاوەکو ئێستا وەکو پیشە نەناسێراوە خستەڕوو.

 

تەوەرى چوارەم: بریتی بوو لە دەست نیشانکردنى ئەو هەنگا و ڕێکارە یاساییانەى کە پێویستە بگیرێنە بەر بەمەبەستى تێپەڕاندنى ئەو قۆناغەى ئێستاى میدیاى کوردى.

 

لە کۆتاییدا بڕوانامەى بەشدارى و ڕێز لێنان بەخشرا بەسەر سەرجەم ئامادە بووان و هەروەها ڕێزلێنان لەبەڕێز دکتۆرە نەزاکەت حسێن گیرا.

 

گەلەرى وێنەکان 














ئه‌م بابه‌ته 143 جار خوێنراوه‌ته‌وه‌‌

بابەتەکانی تری نوسەر