" به‌رزبوونه‌وه‌ی نرخی نه‌وت"

له‌ ڕێكه‌وتی 10/3/2021 ناوه‌ندی چاوی كورد، پانێڵێكی سازكرد به‌ ناونیشانی " به‌رزبوونه‌وه‌ی نرخی نه‌وت" به‌ ئاماده‌بوونی به‌شێك له‌ ئابوورییناسان و شاره‌زایانی بواری ئابووری و نه‌وت.
PM:08:48:10/03/2021
دۆسیە: پانێل


بۆردی ئه‌كادیمی ناوه‌ندی چاوی كورد
بۆردی ئه‌كادیمی ناوه‌ندی چاوی كورد

له‌ ڕێكه‌وتی 10/3/2021 ناوه‌ندی چاوی كورد، پانێڵێكی سازكرد به‌ ناونیشانی " به‌رزبوونه‌وه‌ی نرخی نه‌وت" به‌ ئاماده‌بوونی به‌شێك له‌ ئابوورییناسان و شاره‌زایانی بواری ئابووری و نه‌وت.

له‌ پانێڵه‌كه‌دا ئه‌و پرسیاره‌ خرایه‌ ڕوو؛ ئایا به‌رزبوونه‌وه‌ی نرخی نه‌وت چۆن به‌ قازانج له‌ به‌رژه‌وه‌ندی هه‌رێمی كوردستان و ئابوورییه‌كه‌ی ده‌شكێته‌وه‌؟ 

چ كاریگه‌رییه‌ك ده‌كاته‌ سه‌ر ڕێككه‌وتنه‌كانی نێوان به‌غداد و هه‌رێم؟ 

ئاماده‌بووانی به‌شداربوو؛ تیشكیان خسته‌ سه‌ر هۆكاره‌كانی پشت به‌رزبوونه‌وه‌ی نه‌وت و گه‌ڕاندیانه‌وه‌ بۆ دروستكردنی ڤاكیسنی "ڤایرۆسی كۆرۆنا" و له‌ماوه‌ی بڵاوبوونه‌وه‌ی ڤایرۆسه‌كه‌، وه‌ستانی كارگه‌ گه‌وره‌كان و كه‌م به‌كارهێنانی نه‌وت، كه‌ بووه‌ هۆی دابه‌زینی نرخه‌كه‌ی. هاوكات؛ بڕیاره‌كانی ڕێكخراوی ئۆپیك و ڕێككه‌وتن له‌سه‌ر نرخی نه‌وت و هه‌نارده‌كردنی. 

له‌ هه‌مانكاتدا په‌یوه‌ست به‌ هه‌رێمی كوردستان و ڕێككه‌وتنه‌ی له‌گه‌ڵ به‌غداد ئاماژه‌یان به‌وه‌دا؛  ئه‌م به‌رزبوونه‌وه‌یه‌ كاریگه‌ری ڕاسته‌وخۆ و گرنگی ده‌بێت له‌ به‌رژه‌وه‌ندی هه‌رێمی كوردستان و واده‌كات نه‌چێته‌ ژێرباری داواكارییه‌كانی حكومه‌تی ناوه‌ند و، هه‌رێم بتوانێت سه‌ربه‌خۆ به‌رده‌وام بێت له‌ فرۆشتنی نه‌وت، بژێوی و بوودجه‌ و، مووچه‌ی لێ دابین بكات، له‌گه‌ڵ ئه‌وه‌شدا پێویسته‌ حكومه‌تی هه‌رێمی كوردستان پلان و ستراتیژی نوێ دابڕێژێت، ئه‌م ده‌رفه‌ته‌ بقۆزێته‌وه‌ تا له‌و ڕێگه‌یه‌وه‌ بتوانێت كه‌رته‌كانی دیكه‌ی ئابووری ببوژێنێته‌وه‌. پاش گفتوگۆیه‌كی تێروته‌سه‌ل و ڕوانین له‌ گۆشه‌نیگای جیاوازه‌وه‌ ده‌رباره‌ی به‌رزبوونه‌وه‌ی نرخی نه‌وت پانێڵه‌كه‌ كۆتایی پێهات. 

ئاماده‌بووانی به‌شدار بوو پێكهاتبوون له‌؛ 

1-د. كامه‌ران ئه‌حمه‌د حه‌مه ‌- پسپۆڕی ئابووری. 

2-ئه‌میر قه‌ساب - نوێنه‌ری یه‌كێتی ئابوورییناسان. 

3-بێستوون سابوراوایی – پێسپۆڕی ئابووری.  

4-د. كامه‌ران قادر – پیشۆڕی ئابووری. 

5-دابان عه‌بدولواحید – ئابوورییناس. 

6-د. خالید حه‌یده‌ر – پسپۆڕی ئابووری. 

7-به‌ختیار مه‌لا ئه‌حمه‌د – ڕۆژنامه‌نووس و به‌ڕێوه‌به‌ری هاورده‌كاران.  

8-سۆران عه‌بدولغه‌فور – چاودێری بازرگانی.

9- مامۆستا ڕێبوار محەمەد- ماستەر لەگرێبەستەكانی نەوت.



ئه‌م بابه‌ته 142 جار خوێنراوه‌ته‌وه‌‌

بابەتەکانی تری نوسەر