بەوێنە، ڕاپۆرتی چالاكییەكانی چاوی كورد لەمانگی 11/2020

چاوی كورد بەشدارە لەزۆرینەی كاروچالاكییە ڕۆشنبیرییەكانی سلێمانی و دەوروبەریدا.. لەخوارەوە بەشێك لەدیارترین چالاكییەكانی مانگی 11/2020 دەخەینە بەرچاو.
PM:01:25:06/12/2020
دۆسیە: دیدارەکانی ناوەند
لەدرێژەی كارو چالاكییەكانی "ناوەندی چاوی كورد" دا، مانگی 11/2020 ژمارەیەك چالاكی و دیداری گرنگ بەڕێوەچوون. ئێمە لێرەدا ڕاپۆرتی كاروچالاكییەكانی مانگی 11/2020 دەخەینە بەرچاوی خوێنەرانی بەڕێز..



1-ڕۆژی 2/11/2020 بەڕێوەچوونی خولێكی یاسایی تایبەت بەمیدیاكار و سەنوسەری بەشێك لەمیدیاكانی سلێمانی لەئۆفیسی چاوی كورد بەڕێوەچوو.

خولەكە لەلایەن "دكتۆر كارزان محەمەد" پسپۆڕی یاسای میدیاوە بەڕێوەبرا، لەكۆتایی خولەكەشدا بڕوانامەی بەسەر بەشداربوواندا دابەشكرا.

2- لەسەر بانگهێشتی فەرمی "پلاتفۆرمی كەی.پی" ستافی چاوی كورد ڕۆژی 7/11/2020 بەشداربوو لە مەراسیمی ڕاگەیاندنی پلاتفۆرمی "كەی.پی". پلاتفۆرمی "كەی.پی" پرۆژەیەكی كاری نیشتمانی و شارستانی نوێیە.

3-لەسەر بانگهێشتی فەرمی " كەناڵی ناوخۆی سلێمانی" تیمی چاوی كورد ڕۆژی 7/11/2020 لەهۆڵی "ئەمنە سورەكە" بەشداری مەراسیمی "خوێندنەوەیەك بۆ كتێبی بۆ مێژوو" لەنوسینی بەڕێز"مەسعود بارزانی" بوو.

4-ڕۆژی 9/11/2020 لەهۆڵی "دەزگای چاپ و پەخشی سەردەم" لەسەر بانگهێشتی فەرمی "سەكۆی هۆشیاری كۆمەڵایەتی – ڕێكخراوی ئەزمون، تیمی پەیوەندییەكانی چاوی كورد بەشداریپانیلێكی فراوان بوون بەناوی " كێشە بونیاتییەكانی كۆمەڵگەی كوردی".


5- هەمان ڕۆژی 9/11/2020 تیمی پەیوەندییەكانی چاوی كورد لەسەر بانگهێشتی فەرمی "ڕێكخراوی كوردستان دیالۆگ" بەشداربوون لەمەراسیمی ناساندنی كتێبی" دەروازەی چەمكەكان".

6- ڕۆژی 12/11/2020 لەهۆڵێ "كتێبخانەو كافێی ئەمازۆن" ناوەندی چاوی كورد بەهاوكاریڕێكخراوی كوردستان دیالۆگ، سیمینار و مەراسیمێكی فراوانی بەڕێوەبرد بۆ ناساندن و بڵاوكردنەوەی سێ كتێب، بەناونیشانی :

1-ڕازەكانی گێڕاوە لەنوسینی نوری بێخاڵی.

2- ڕۆمانی هیوا لەنوسینی سیروان حەمە شەریف، ڕاوێژكاری یاسایی ناوەندی چاوی كورد.

3-كتێبی ڕاستنوسی، لەنوسینی كوردۆ شابان.


7-ڕۆژی 14/11/2020 لەهۆڵی سیمینارەكانی ئوتێل ڕامادا، بەشداری ستافی چاوی كورد لەپانێڵێكی یاسایی بەرفراوان سەبارەت بە "یاسای نوێی هەڵبژاردنەكانی عێراق و كاریگەرییەكانی".


8-ڕۆژی 15/11/2020 لە هۆڵی سیمینارەكانی ئۆفیسی سەرەكی چاوی كورد، پانێل و مێزگردێكی فراوان بەبۆنەی 236 ساڵەی دامەزراندنی سلێمانییەوە بەڕێوەچوو. كەتیایدا پلان و بیرۆكەی گرنگ بۆ پێشخستنی سلێمانی پێشكەشكران.


9- ڕۆژی 16/11/2020 "كەناڵی ناوخۆیی كوردستان/ سلێمانی" ئاڵقەیەكی بەرنامەی "سەرنج"ی بۆ كاروچالاكییەكانی ناوەندی چاوی كورد تەرخانكرد.

10- ڕۆژی 22/11/2020 ناوەندی چاوی كورد لەڕێگەی نوسینگەی پەرلەمانی عێراق لەسلێمانی، كوراسەی "كورد لەسەردەمی كازمیدا" گەیاندە هەموو فراكسیۆنەكانی پەرلەمانی عێراق.

كوراسەی كورد لەسەردەمی كازمیدا، لەلایەن بۆردی ئەكادیمی ناوەندی چاوی كورد بەهاوكاری ژمارەیەك لە مامۆستاكانی زانكۆكانی كوردستان بەهەردوو زمانی كوردی و عەرەبی ئامادەكراوە.

تیایدا بەوردی و ئەكادیمی باس لە گرفتەكانی كورد لەسەردەمی كازمیدا كراوە. هاوكات پلانەكانی كورد بۆ ڕووبەڕووبوونەوەی گرفتەكان ئاماژەیان پێدراوە.


11- ڕۆژی 26/11/2020 لەهۆڵی سیمینارەكانی ئۆفیسی ناوەندی چاوی كورد، ژمارەیەك لەمامۆستایانی یاساو كارگێڕی و مامۆستاكانی یاسای دەستوری پانێلی فراوان سەبارەت بە " ئاستەنگ و دەرفەتەكانی گواستنەوەی موچەی فەرمانبەرانی هەرێمی كوردستان بۆ سەر بەغدا" بەڕێوەبرا.





ئه‌م بابه‌ته 176 جار خوێنراوه‌ته‌وه‌‌

بابەتەکانی تری نوسەر