هەماهەنگی چاوی كورد و دەزگای ڕۆشنگەریی چاودێر

PM:09:20:03/10/2020
دۆسیە: دیدارەکانی ناوەند
چاوی كورد لە هەوڵ و چالاكی بەردەوامدایە بۆ پێناسەكردنی خۆی و دروستكردنی پەیوەندی ڕۆشنبیری لەگەڵ هەموو ناوەندە ڕۆشنبیرییە كاریگەرەكاندا.

بۆردی په‌یوه‌ندییه‌كان و ڕاگه‌یاندن
ناوه‌ندی چاوی كورد بۆ په‌ره‌پێدانی سیاسی

ئێوارەی ڕۆژی 3/10/2020 بەمەبەستی تاوتوێكردنی كۆمەڵێك پرسی ڕۆشنبیری، ستافی "چاوی كورد" سەردانی ئۆفیسی دەزگای ڕۆشنگەری چاودێری كرد.

لەدیدارەكەدا بەوردی لەلایەن سەرۆكی ناوەندی چاوی كوردەوە تیشك خرایە سەر هەنگاو و كاروچالاكی و بەرنامەكانی چاوی كورد.هاوكات باسی ئەو ڕێگرییانەش كرا كە دێنە ڕێگەی چاوی كورد!.

لەبەشێكی تری دیدارەكەدا بەرهەمە چاپكراوەكانی چاوی كورد كەبریتی بوون لە: 1-كتێبی دەوڵەتی یەهود. لەنوسینی تیۆدرۆ هرتزل، وەرگێڕانی مەشخەڵ كەوڵۆسی.
2-سیستەمی حوكمڕانی لەچین، لەنوسینی سەرۆككۆماری چینی میللی بەڕێ "شی. زی. پینگ" وەرگێڕانی لیژنەیەك لەچاوی كورد.
3-كوراسەی " كورد لەسەردەمی كازمیدا" ئامادەكردنی ستافێكی تایبەت لەچاوی كورد.
4- كوراسەی "ڕاپۆرتی وێنەیی چالاكییەكانی چاوی كورد" 

پێشكەشی "مەلا بەختیار" ڕۆشنبیر و سیاسەتمەداركرد.

لەلای خۆیەوە "مەلا بەختیار" وێڕای بەخێرهێنانی ستافی چاوی كورد، هەنگاوەكانی ناوەندی چاوی كوردی بەگرنگ و پڕبایەخ وەسف كرد، بەتایبەت دروستكردنی هەماهەنگی لەنێوان ڕۆشنبیرانی كورد و گەلانی ڕۆژهەڵاتی جیهان كە بەردەوام چاوی كورد كاری لەسەر كردووە، مەلا بەختیار ئەو هەنگاوانەی بە: گرنگ و نوێ، وەسف كرد.

هاوكات مەلا بەختیار نوسخەی كتێبەكەی خۆی" لەبری بیرەوەری" بە ئەندامانی ستافەكە و كتێبخانەی چاوی كورد بەخشی، داوایشی لەسەر سەرپەرشتیاری گشتی دەزگای ڕۆشنبیری چاودێركرد، كە بۆ لەمەودوا هەماهەنگی تەواوی "ناوەندی چاوی كورد" بكەن و هەرسێ دەزگای "پلاتفۆرمی دابڕان، دەزگای ڕۆشنبیری چاودێر، بنكەی ئەدەبی گەلاوێژ" مامەڵەی تەواو و فەرمی و هاوكاری جدی لەگەڵ چاوی كورد بكەن.

گەلەری وێنەكان



ئه‌م بابه‌ته 256 جار خوێنراوه‌ته‌وه‌‌

بابەتەکانی تری نوسەر